1 Timotius 1:19 - Muna Southern Dialect

¹⁹ Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

1 Timotius 1:19 Referans Kwoze

1 Timotius 3:9

Andoa tabeano damintahaki kabanarano kaparasaea ne Kristus toka nefekantaleaꞌino Lahataꞌala, maiꞌaono ne totono lalo mongkilo kumatanga-tangano.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

1 Timotius 6:9

Mie meꞌambano kahangkaea nehimbamo notiwudhu ne modaiꞌano, kao-kaomo nokonamo ne tandono sabhaha kapoindalo sia-sia bhe fodai-daino. Kapoindalo medando ini mobinasano bhe motonduno manusia.

Titus 1:9

Anoa tetewei namintahaki kafoinaꞌu tiparasaea, peda toka nepoguhuꞌaono. Ane nada anaꞌa naembalimo nafotangahiꞌao kafoinaꞌu banara, naembalimo dua namotiwohaanda kaꞌalando mie mewangie.

Powoha 3:8

Apandeꞌaane sabhaha kahadhaamiu. Ondo itu, ingka aelengkaangkomo fointo bhe naseemie pae bhe so mondoiꞌe dasumongkoe. Apandeꞌaangkoomu seendai kaowu kaꞌosamiu, tamaka angkafieꞌomu bhoasaoku bhe miina gumagaiꞌeomu neaku.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

2 Timotius 4:4

Andoa tadaꞌumopi tingalando dakiido dametingke kabanara, tamaka datumaꞌo tingalando ne sabhaha kapu-kapuna.

1 Yohanes 2:19

Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.

1 Timotius 6:21

Kapaꞌamo nandoo seemie hodua dokona wutondo dopande sampe dekapingkamo maiꞌao ne kaparasaeando ne Kristus. Sio-siomo kabarakatino Lahataꞌala napobhaiangko!

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

Galatia 5:4

Ane posahunaꞌaoꞌomu kansuhu ne tubhono agama Yahudi so katitahimaꞌamiu ne Lahataꞌala peda mie banara, nokomaꞌana pogaatimoomu bhe Kristus, kukundomoomu rahamatino Lahataꞌala.

1 Korintus 11:19

Ingka nokesa itua nandoo powengke-wengkeꞌa ne olotamiu itu! Ane paise, nada amai natipandeꞌao laꞌae kumampuu-mpuuno weo kaparasaeano?

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

Matius 6:27

Laꞌae bhahaa ne olotamiu itu hampano kamihino lalono namooli namodhulu dadino naseendai kaowu?

1 Timotius 6:12

Uleiꞌe lalomu weo dadimu peda seemie sarani metaano, tapedamo pogolono, neanomo moolie dadi sakotuꞌuno ampa suhue dhamani. Ingka ainimo katibhasiꞌamu ne Lahataꞌala, wakutuuno kosuahaane ne wiseno umati putae parasaeamo mpuu ne Kristus bhe dobhahi sumakusiiangko.

2 Timotius 2:18

Andoa dopingkamo maiꞌao ne kabanara, kapaꞌamo dofofoinaꞌu putae kawanuꞌando mie mate ingka nokadhadhiamo, sampe dedai-daimo kaparasaendo mie.