1 Tesalonika 5:27 - Muna Southern Dialect

²⁷ Weo neano Ompu aesalo mpuu wambano suha aini dabasaandae kosasawindo bhahitie marasaeano.

1 Tesalonika 5:27 Referans Kwoze

Kolose 4:16

Mada dabasaangkoomu suha aini, aesalo pakatueꞌomu ne umati we Laodikia dobasaeꞌao dua. Pedamo dua suha ⸤ nebuhiku⸥ so umati we Laodikia, basaeꞌomu dua bhe hintimiu.

1 Timotius 5:21

Aitu aefeꞌulaiangko, ingka bhe wutono Lahataꞌala bhe Kristus Yesus bhe malaꞌekatino tipilino mandeꞌaane: angkafie sabhaha kafoinaꞌu aini, koe poꞌala-alaanda miea, koe dua nobhie seweta weo timbangimua.

1 Timotius 5:7

Dadiꞌanomo mefeꞌulaianda neanomo dadindo pae nakodengo-dengoa.

1 Timotius 1:3

Gaoku mpuu meate kansuhu we kotano Efesus, pedamo kamesaloku wakutuuno akala we kadieno Makedonia. Kapaꞌamo we Efesus nandoo seemie hodua mefomantaleno kafoinaꞌu tapa kumotuꞌu, dadiꞌanomo hintumo so mofetumpudaa.

Tula-tulando rasulu 19:13

Nandoo dua seemie hodua bhisa miendo Yahudi dolili weo kota aitu. Andoa desoba-soba dua dosambili neano Yesus ne mie nepesuakino seetani. Ambado, “Abhatataꞌiangko weo neano Yesus nefoguhuꞌaono Paulus, limbaꞌo toha.”

Markus 5:7

Mie aitu nokei nofekabhala-bhala, “Yesus Anano Lahataꞌala kokuasano! O ae patudhumu ne idi ini? Weo neano Lahataꞌala, koise fodee-dee kanau!”

Matius 26:63

Tamaka Yesus miina nakodiua. Nopugaumo dua Imamu Bhalano ne Yesus ambano, “Aitu bhe Lahataꞌala foꞌondo-ondono, fohato kainsami, hintumo ini Omputo Fosalamatino Anano Lahataꞌala bhahaꞌi suano!”

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

1 Timotius 1:18

Timotius anaku, taka aini aposahunaꞌaane ne hintu, aangkafi kaowilino Lahataꞌala nefosampendo ana-anabii weo umati dopulaoꞌao hintu. Kaowili aini somo katangkaꞌaomu weo poewangiꞌamu potunduꞌao metaaꞌano.

2 Tesalonika 3:14

Ane nandumandoo mie so pata mangkafino pugau mani weo suha aini, tandaiꞌeomu, koise posabhangkaaneomu, noambanoꞌao.

1 Tesalonika 2:11

Pandeꞌaaneomu podiu mani ne hintimiu seemie-seemie tapedamo seemie ama bhe anaꞌino.

Tula-tulando rasulu 1:15

Sewakutuu mie marasaeano dopohompu-hompu, dapemoꞌono haa fulu kabhahindo. Noehemo Petrus ne wunta-wuntando maka nopugau ambano,