1 Tesalonika 5:23 - Muna Southern Dialect

²³ Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

1 Tesalonika 5:23 Referans Kwoze

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

Ibrani 2:11

Anoa mefekangkilono manusia maiꞌao ne dhosa bhe manusia nefekangkilo, saneamo doseama. Kanandooꞌanomo Yesus miina naoambanoa nokonada bhahitieno.

Kolose 1:22

Tamaka ampa aitu hampano mateno Anano peda seemie manusia, Lahataꞌala nopometaaꞌangkomoomu. Nadamo anaꞌa Kristus namowakoomu ne wiseno Lahataꞌala, naongkilo bhe namoinda totono lalomiu, paemo kodengo-dengoomua.

1 Korintus 14:33

Kapaꞌamo Lahataꞌala miina namoindalo kahungga, tamaka nopoindalo dadi tiꞌatoro. Peda kaneano ne kosasawindo umatino Lahataꞌala ne amai maka dua,

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Lukas 1:46

Pada aitu nopugaumo Maria ambano, “Apudhi afekakalabhia Ompu,

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Roma 15:5

Sio-siomo Lahataꞌala fowaꞌaono kakosabaha dapotaami bhe kalawesino lalo ne manusia, natumulumikoomu dumadi weo kaseꞌise, noposahataa bhe kapoindalono Yesus Kristus.

2 Tesalonika 3:16

Ompu kamaiꞌaoꞌano katohopono dadi. Sio-siomo sadhia namaꞌangkoomu katohopono dadi ne sabhaha waweno dadimiu. Sio-siomo Ompu sadhia napobhaiangkoomu.

Filipi 4:9

Dhalangiomu sabhaha nepoguhuꞌaomiu bhe netahimamiu maiꞌao ne idi, naetaa nefetingkemiu weo pugauku, naetaa newohamiu weo diuku. Maka Lahataꞌala fowaꞌaono katohopono dadi napobhaiangkoomu.

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Yohanes 17:19

Somo andoa afotawakala Wutoku ne Hintu, neanomo andoa daeꞌawa kabanara, maka damotawakala dua wutondo ne Hintu, daembali fehebuaꞌamu mongkilono.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

1 Tesalonika 4:3

Kapaꞌamo kapoindalono Lahataꞌala peda aini: dadi mongkilo, maꞌanano dofekakodoꞌo wutondo ne podiu pokawite-wite.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

Roma 15:33

Sio-siomo Lahataꞌala kamaiꞌaoꞌano katohopono dadi napobhaiangkoomu. Amin.

Tula-tulando rasulu 20:32

Aitu afopuliemo ne Ompu somo dumambaꞌaangkoomu, neanomo sadaa-daa mintahakieꞌomu bhihitano rahamatino. Lahataꞌala nokokuasa namekatangka kaparasaeamiu bhe nadumawuangkoomu sabhaha kadawu nefotantuno so mie nefekangkilono.

1 Tesalonika 2:19

Kapaꞌamo hintimiumo neposahunaꞌao mani, kaowulaꞌano lalo mani, kaowuleꞌa mani somo kaowoseꞌano bhake mani ne wiseno Ompuntoomu Yesus humato namai. Ane pae hintimiu, laꞌae dua?

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Tesalonika 3:11

Sio-siomo wutono Lahataꞌala Amantoomu bhe Ompuntoomu Yesus Kristus naelengka kainsami kaangkaꞌa tamai we hintimiu.

1 Tesalonika 5:22

Fekakodoꞌo wutomiu ne sabhaha modaiꞌano.

Yakobus 1:4

Dhaganie mpuu kakosabaha potaamiomu itu neanomo sadhulu kamatangka, sampe nasumangkamo kamie metaamiu, paemo konimokaeꞌomua.