1 Tesalonika 5:11 - Muna Southern Dialect

¹¹ Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.

1 Tesalonika 5:11 Referans Kwoze

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

Ibrani 10:25

Koe dowoowulea dopohompu-hompuomu dosambahea, peda kaneando seemie hoduano mantawano itu. Intaodiomu tabeano dapotanga-tangahiomu, bhe nasedhuluꞌa kakampuu-mpuuno lalo hampano dowohaomu oleo so kahatoꞌano Ompu dhulu kamaꞌo.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

Ibrani 3:13

Tamaka naetaa seꞌo-seꞌoleo pofeka-fekatangkaomu lalo tinangke dadiomu ne dhamani nekonando “Oleo Itu” weo Kitabi, keana bhe mekatuꞌa pongkeno ne olotamiu itu sampe nabhohe-bhoheꞌie dhosa.

1 Tesalonika 4:18

Dadiꞌanomo pakeomu bhoasao aini so polawe-lawesiꞌaoꞌomu lalo.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

1 Korintus 14:12

Pedamo dua hintimiu, daanumo uleiꞌeomu lalomiu meꞌawaomu kapooli nedawuꞌaono Rohino Lahataꞌala, tamaka fofoliuꞌano uleiꞌeomu lalomiu so mekamatangkaꞌaoꞌomu kaparasaeando umati.

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

Yudas 1:20

Tamaka hintimiu, bhahitieꞌiku timoasiꞌaono, potulu-tulumiomu so nodhulu kamatangkaꞌao kaparasaeamiu ne Yesus Kristus; kaparasaeamiu itu nongkilo mpuu. Sambaheaꞌomu weo kuasano Rohino Lahataꞌala.

Efesus 4:16

Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.

1 Korintus 10:23

Nandoo mugauno, manusia nobebasi nehabu o ae maka dua. Anoamo, tamaka ambaku miina kosasawiꞌae nehabundo manusia nokofahalaa. O manusia nobebasi nehabu o ae maka dua, tamaka miina kosasawiꞌae nehabundo manusia maitu naefekamatangka totono lalo.

2 Petrus 1:12

Kanandooꞌanomo patudhuku sadhia ameꞌulaiangkoeꞌomu bhahi-bhahiꞌae ini, mahingga pandeꞌaanemoomu bhe nomatangkamo koehemiu weo kabanara toka netahimamiu.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.

1 Korintus 14:29

Mie kosuahano peda anabii, naetaa dahodua tawa datotolu so pugauno, maka sigaoꞌano somo tumimbangino pugaundo, ⸤ bhahaꞌi natitahima bhahaꞌi paise⸥ .

Roma 15:14

Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

1 Tesalonika 4:10

Bhahamoa sampe pomoni-moniniomu dua bhe kosasawindo bhahitiemiu marasaeano ne kosekaꞌewaꞌae kadieno Makedonia. Ampamo kaowu, bhahitieꞌi mani, taesalo mpuu nasedhuluꞌa dua kakampuu-mpuuno habumiu naꞌa.

1 Korintus 14:5

Gaoku mpuu hintimiu kosasawimiu mepakeomu wambano Rohi, tamaka fofoliuꞌano gaoku kosuahaomu peda anabii. Kapaꞌamo nokofahalaa mie kosuahano peda anabii bhe mie mepakeno wambano Rohi, simbali nomaꞌanakie dua wambano naꞌa, so notifekamatangkaꞌao kaparasaeando umati sigaoꞌano.