1 Tesalonika 5:10 - Muna Southern Dialect

¹⁰ Anoamo ini mateno so intaodiomu ini, neanomo ne oleo kahatoꞌano dadumadi bhe Anoa, mahinggamo nandoo daoꞌuhi, mahinggamo dua damatemo.

1 Tesalonika 5:10 Referans Kwoze

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

1 Tesalonika 4:17

Mada aitu intaodiomu dumadino ne wakutuu anaꞌa datisangke dapoowa-owa bhe andoa te olu ngkapute dasumumpui Ompu te antara. Nadamo anaꞌa daeateomu bhe Ompu ampa suhue dhamani.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

2 Korintus 5:15

Kristus padamo nomate so kosasawindo manusia, neanomo manusia dumadino paemo dadumadi so wutondo tamaka so Kristus toka mateanda bhe nefowanu maiꞌao ne mate.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

1 Timotius 2:6

Anoa ini noowa Wutono mbali katolosino dhosando kosasawindo manusia. Pedamo anaꞌa Lahataꞌala nofotiwohamo kakampuu-mpuuno nofosalamati manusia ne tempo toka nefotantuno.

1 Tesalonika 4:13

Bhahitieꞌi mani, gao mani mandeꞌaaneomu mpuu peda amai kolaundo mie marasaeano humunsano dhunia ini, keana nokompeaha lalomiu peda mie sigaoꞌano tapa koposahunaꞌaono ⸤ ne dadi buꞌou⸥ .

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

Yohanes 15:13

Miina nandumandoo kanini kaasi moliuno kanini kaasino seemie potahoꞌaono inawano so sabhangkaꞌino.

Yohanes 10:17

Amaku noasi kanau, mbaꞌinomo afowaꞌao inawaku, neanomo sumuli aꞌumawae.

Yohanes 10:11

Idimo ini dhagano dhumba metaano lalo. Dhaga metaano lalo nopotahoꞌao inawano so dhumbano.

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Yohanes 10:15

Tapedamo Amaku nopandeꞌa kanau, Idi apandeꞌaane dua. Idi ini apotahoꞌao inawaku so dhumbaku.

1 Tesalonika 4:15

Nefoinaꞌuꞌao mani ini bhoasaono Ompu: ne oleo kahatoꞌano Ompu ⸤ Yesus⸥ , intaodiomu dumadino paise damaꞌinduluki mie toka humunsano wawo dhunia ini.

1 Tesalonika 5:6

Dadiꞌanomo pae naembalia tadaodo-odo peda mie sigaoꞌano, tamaka tabeano dakodhaga dantumaa-ntaa oleo kahatoꞌano Ompu weo katohono fekihi.

2 Timotius 2:11

Ingka nokotuꞌu mpuu bhoasao aini, Ane padamo domateomu bhe Anoa, ingka mada kaowu dadumadiomu dua bhe Anoa;