1 Tesalonika 4:7 - Muna Southern Dialect

⁷ Kapaꞌamo Lahataꞌala miina nafosaliꞌi dadumadi pokawite-wite, tamaka dadumadi mongkilo.

1 Tesalonika 4:7 Referans Kwoze

Efesus 1:4

Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

2 Petrus 2:10

mangkenomo andoa mangka-angkafino nafusuu hamesa bhe kapoindalo pokahakuno bhe misakino kuasano Lahataꞌala. Kaꞌosano kakadondo bhe kalangkeno diundo mie mpahaguru-guruno naꞌa, sampe dokadomo dua dofekaꞌaebu dumadino weo kakalabhia te surugaa.

Galatia 5:19

Kapoindalono wuto nentaleamo notiwoha ne habu pedando ini: dopokawite-wite, dopokahaku, nafusuu modai,

1 Tesalonika 2:3

Katangahi mani ne hintimiu miina namaiꞌao ne fekihi umala, miina dua namaiꞌao ne patudhu pata mongkilo tawa so dafobhohe-bhoheꞌiꞌao.

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

Efesus 4:19

Miinamo daepandeꞌao kaambanoa sampe tadewasamo doangkafi nafusuu modai, dodadi pokahaku ampa kapoindalondo.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.