1 Tesalonika 4:6 - Muna Southern Dialect

⁶ Weo diu nepulaoꞌaoku ini, koise dua kokaꞌalaomu ne bhahitiemiu tawa bhohe-bhoheꞌieꞌomu. Ingka endefiꞌini padamo tafodhagakoomu putae Ompu nahumukumu mehabuno kaꞌala medando naꞌa.

1 Tesalonika 4:6 Referans Kwoze

Ibrani 13:4

Kosasawiꞌamiu fosibhalaeꞌomu o kakawi, koise pokadengoꞌao kaodoꞌamiu, kapaꞌamo mie pokawite-witeno bhe monsuleno nabhitahakida Lahataꞌala.

Roma 12:19

Bhahitieꞌiku timoasiꞌaono! Koe sepaliꞌa bhoosiomu kaleano lalomiu, hunsaꞌanomo Lahataꞌala so fohukumuno. Kapaꞌamo notibuhi weo Kitabi, “Inodimo so bhoosiangko. Inodimo so fohukumuno, bhoasaono Ompu.”

Roma 1:18

Nomaiꞌao te surugaa Lahataꞌala nofotiwoha amahano ne sabhaha dhosa bhe habu modaindo manusia. Weo podiu modaindo desongkowi kabanara.

Yakobus 5:4

Fetingkeomu itu fedeendo mie kumahadhaano te kaampomiu; kafedeeꞌando ingka miina maꞌandaomu ponambodo. Katondalando mie mehompuangkoomu pehapi naꞌa nofetingkeemo dua Ompu Kokuasano ne alamu bhalano ini.

Yakobus 2:6

Tamaka hintimiu mefekaꞌaebumoomu mie mokae, gahaꞌaitumo ingka mie hangkaea modee-deekoomu, bulukomoomu dua ne wisendo pande bhitaha.

Galatia 5:21

dopomole-moleaꞌao lalo, dololanu, sakahame dohumaa dofohoꞌu, bhe sabhaha habu modai sigaoꞌano. Peda padamo afohatokoomu endefiꞌini, aitu amenduaꞌangkoeꞌomu dua, mie humabuno sabhaha podiu medando maitu paise daeꞌawa kadawu weo Kafopahintaꞌano Lahataꞌala.

Roma 13:4

O pamarinta ingka palima-limano Lahataꞌala so kaetaaꞌamiu. Tamaka ane humabu modaiꞌomu, moteꞌidaomu, hampano miina nasumia-siaꞌa dokokuasa dafohukumu. O pamarinta ingka o palima-lima bhoosiꞌaono Lahataꞌala defondawu kahukumu ne mie modai.

Lukas 12:5

Amohatoangkoeꞌomu so nemoteꞌimiu. Moteꞌiomu Lahataꞌala, kapaꞌamo pada nofopongko, nokokuasa dua nofoꞌoho we narakaa. Kotu-kotuꞌu amohatokoomu moteꞌiomu ne Anoa.

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

Efesus 5:6

Koise dobhohe-bhoheꞌiangkoomu sabhaha pugau tapa kofahalaa, kapaꞌamo podiu medando naꞌa neowa amahano Lahataꞌala ne mie tapa meangkano.

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

Markus 10:19

Ingka pandeꞌaanemo padaa pahintano Ompu Lahataꞌala, ‘Koe fopongko, koe monsule, koe mbolaku, koe membali sakusii kopaha, koe fobhohe-bhoheꞌi, fosibhala inamu bhe amamu!’ ”

Efesus 4:28

Moneano mosibuno, koemo nosibua, tamaka nakumahadhaa kagiu metaa so kadadiꞌano, neanomo naembali dua natumulumi mie mokae.

Lukas 16:28

kapaꞌamo nandoo kakutaꞌaku tadolidima, neanomo namodhagada mpuu keana dopesua bhe andoa weo kakadee-dee aini.’

2 Korintus 7:11

Ondoomu itu, neowaangkoomu ae bhahaa kakompeahano lalo poangkafiꞌano bhe kapoindalono Lahataꞌala? Ingka kakampuu-mpuuno lalo, nembalimo dua potunduꞌao wutomiu, mohakuemoomu o dhosa, moteꞌimoomu ne Lahataꞌala, nokambamo lalomiu moha kanauꞌomu, nokaꞌende-endemo totono lalomiu, undamoomu mebhotusiomu kokaꞌalano. Ne kosasawiꞌae ini ingka fotiwohaemoomu miina kokaꞌalaomu.

1 Tesalonika 2:11

Pandeꞌaaneomu podiu mani ne hintimiu seemie-seemie tapedamo seemie ama bhe anaꞌino.

Ibrani 2:6

Tamaka nandoo mie pugauno, notibuhi weo aeatino Kitabi peda aini, “O ae bhahaa manusia sampe feꞌu-feꞌulaiane? Laꞌae gahaꞌa anano manusia maitu sampe ondofaane?