1 Tesalonika 4:17 - Muna Southern Dialect

¹⁷ Mada aitu intaodiomu dumadino ne wakutuu anaꞌa datisangke dapoowa-owa bhe andoa te olu ngkapute dasumumpui Ompu te antara. Nadamo anaꞌa daeateomu bhe Ompu ampa suhue dhamani.

1 Tesalonika 4:17 Referans Kwoze

1 Korintus 15:52

Kadhadhiano nasetolindaꞌa, nasepihuꞌa mata, napoangka bhe ndiino duhulele bhalano kafetompaino dhamani. Kapaꞌamo duhulele bhalano nakondii maka mie mate damowanuda daepake mbadha tapa binasaꞌano maka intaodiomu dafobhalii.

Powoha 11:12

Pada aitu anabii hoduano naꞌa dofetingkemo suaha mondii nomaiꞌao te surugaa nosaliꞌida ambano, “Fonimoomu te ini!” Andoa lasao dofoni te surugaa nokaputida olu, sabhaha kaewando dowohaꞌao wuntano matando.

Yohanes 14:3

Mada kaowu akumala aefontaa-ntaaꞌangkoomu kaeateꞌa, asumuli aꞌumuleikoomu, neanomo ne amai kaeateꞌaku, somo dua kaeateꞌamiu.

1 Tesalonika 4:15

Nefoinaꞌuꞌao mani ini bhoasaono Ompu: ne oleo kahatoꞌano Ompu ⸤ Yesus⸥ , intaodiomu dumadino paise damaꞌinduluki mie toka humunsano wawo dhunia ini.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Tula-tulando rasulu 1:9

Pada nopugau peda naꞌa, notisangkemo ne wisendo; sampe noꞌontomie olu maka miina damohaea.

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Tula-tulando rasulu 8:39

Dofoni domaiꞌao weo oe, Filipus tambaꞌomo nosangkee Rohino Ompu sampe miinamo naohaea kabhala maiꞌaono we Etiopia maitu, tamaka weo kawulano lalono nofopansuhumo kala-kalano.

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

Powoha 12:5

Hobhine amaitu nokoanaꞌao seemie moꞌane somo mahintangino sabhaha bansano liwu naepake katuko uti. Tambaꞌomo anano maitu doagoiꞌe maka doowae ne Lahataꞌala, ne kaengkohaꞌano kumalabhiano.

2 Korintus 5:8

Dadiꞌanomo notangka totono lalo mani, tanamisie naetaamo tagumampi maiꞌao ne mbadha kasara ini maka taeate bhe Ompu.

Markus 14:62

“Anoamo,” ambano Yesus, “maka mada kaowu, mohaomu Anano Manusia - Idimo ini - naengkoha ne suanano Lahataꞌala kokuasano, mohaeꞌomu dua namai te wunta-wuntano olu te lani.”

Filipi 1:23

Kohaahondaꞌae ini dopohela kanau: gaoku ahumunsa dhunia ini maka aeate bhe Kristus, kapaꞌamo anaꞌa foliuno kataa.

2 Petrus 3:13

Tamaka pedamo dhandino Lahataꞌala, intaodiomu dentaa-ntaaꞌomu lani bhe dhunia buꞌou, ne itumo kapoindalono Lahataꞌala sadhia damangkafie.

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

1 Tesalonika 4:18

Dadiꞌanomo pakeomu bhoasao aini so polawe-lawesiꞌaoꞌomu lalo.

1 Tesalonika 5:10

Anoamo ini mateno so intaodiomu ini, neanomo ne oleo kahatoꞌano dadumadi bhe Anoa, mahinggamo nandoo daoꞌuhi, mahinggamo dua damatemo.