1 Tesalonika 3:13 - Muna Southern Dialect

¹³ Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

1 Tesalonika 3:13 Referans Kwoze

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

Kolose 1:22

Tamaka ampa aitu hampano mateno Anano peda seemie manusia, Lahataꞌala nopometaaꞌangkomoomu. Nadamo anaꞌa Kristus namowakoomu ne wiseno Lahataꞌala, naongkilo bhe namoinda totono lalomiu, paemo kodengo-dengoomua.

Efesus 5:27

Kahabuꞌano peda amaitu, neanomo namowa umatino te wiseno Wutono ⸤ peda loꞌia buꞌou hobhine⸥ , naombena ulano, pae nakotindu-tindua, pae nakongkuhu-ngkuhua tawa kadengo sigaoꞌano, tamaka umati daongkilo bhe pae dakodengo-dengoa.

1 Tesalonika 2:19

Kapaꞌamo hintimiumo neposahunaꞌao mani, kaowulaꞌano lalo mani, kaowuleꞌa mani somo kaowoseꞌano bhake mani ne wiseno Ompuntoomu Yesus humato namai. Ane pae hintimiu, laꞌae dua?

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.

1 Tesalonika 4:15

Nefoinaꞌuꞌao mani ini bhoasaono Ompu: ne oleo kahatoꞌano Ompu ⸤ Yesus⸥ , intaodiomu dumadino paise damaꞌinduluki mie toka humunsano wawo dhunia ini.

1 Tesalonika 3:11

Sio-siomo wutono Lahataꞌala Amantoomu bhe Ompuntoomu Yesus Kristus naelengka kainsami kaangkaꞌa tamai we hintimiu.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

2 Tesalonika 2:1

Bhahitieꞌi, aitu tapugauꞌao kahatoꞌano Ompuntoomu Yesus Kristus bhe so katifohompuꞌantoomu bhe Anoa. Taesalo mpuu ne hintimiu,

2 Tesalonika 1:10

Ne oleo kahatoꞌano naꞌa, Ompu damekakalabhiaꞌe umati mongkilono bhe damenteane kosasawindo marasaeano. Bhe hintimiu dua, kapaꞌamo bhihita neowa mani parasaeaꞌemoomu.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

Roma 14:4

Patudhumu laꞌae bhahaa hintu itu sampe mokado bhitahaki bhatuano Ompu? Kataano bhe kadaino kahadhaano ingka neatemo ne kafeompuꞌano. Bhatua aitu sadaa-daa kataano kahadhaano hampano wutono Ompu nokokuasa natumulumie.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Lukas 1:6

Kohoduando sanea mie lumebe ne pomatano Lahataꞌala, dodadi doangkafi kosasawiꞌae pahinta bhe tubhono Ompu, miina dakonilempagia.

Galatia 1:4

Yesus Kristus nofotawakala wutono sampe dopongkoe mbali katolosino dhosantoomu, so namolapaꞌao intaodiomu maiꞌao ne dhamani modai ini. Habuno Kristus ini noangkafi kapoindalono Lahataꞌala Amantoomu.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

1 Tesalonika 4:17

Mada aitu intaodiomu dumadino ne wakutuu anaꞌa datisangke dapoowa-owa bhe andoa te olu ngkapute dasumumpui Ompu te antara. Nadamo anaꞌa daeateomu bhe Ompu ampa suhue dhamani.

2 Tesalonika 1:7

Hintimiu kumadee-deeno ampa aini namaꞌangkoomu kalalesa meeneiꞌomu, pedamo dua ne insaodi. Anaꞌa nakumadhadhia ne oleono Ompu Yesus namotiwoha Wutono maiꞌao te surugaa, weo efi ngkalai-lai napoowa-owa bhe malaꞌekatino kokuasano.

Yakobus 5:8

Hintimiu tabeano kosabahaomu dua bhe mekatangkaomu lalomiu, kapaꞌamo oleo kahatoꞌano Ompu nomaꞌomo.