1 Tesalonika 2:15 - Muna Southern Dialect

¹⁵ Andoamo naꞌa mongkono Ompu Yesus bhe ana-anabii, modee-deenomo dua insaodi. Podiundo maitu miina naoꞌiaꞌane Lahataꞌala, pakade dopomodai bhe sabhaha mie.

1 Tesalonika 2:15 Referans Kwoze

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

Tula-tulando rasulu 2:23

Noposahataa bhe patudhuno bhe kalentuno Wutono, Lahataꞌala nobhotusiemo nofolapasaangkoeꞌomu. Tamaka hintimiu katahoeꞌomu ne bansando mie modai dokantaiꞌe te sau salipu bhe dopongkoe.

Tula-tulando rasulu 3:15

Anoamo fowaꞌaono dadi, gahaꞌa pongkoemoomu. Tamaka Lahataꞌala nofowanue nomaiꞌao ne mate. Insaodimo ini mohaꞌaono wuntano mata mani kadhadhia anaꞌa.

Lukas 24:20

Tamaka neangkaꞌindo imamu bhe kamu-kamungkulaꞌi mani doowae ne kaewa dobhotusiane mate maka dokantaiꞌe te sau salipu!

Matius 27:25

Kosasawindo raꞌeati dotobhoosi ambado, “Hunsaꞌanomo mateno mie aini tatumongkue insaodi bhe sampuꞌa mani.”

Matius 23:37

“Yerusalem, Yerusalem! Hintumo mongkono ana-anabii bhe bhatumbulino mie netudu ne hintu. Nentuhumo nokamba laloku ne hintu, amohompu raꞌeatimu, kanggetu inano manu nofohompu anano we towawano panino, tamaka hintimiu mokiidoomu.

1 Korintus 10:5

Tamaka mahinggamo peda naꞌa dobhahi ne olotando pata mekaꞌiano lalono bhe mekaꞌiano lalono Lahataꞌalaa, sampe maeatindo tadokombahaꞌa te pandaso bhalano.

Tula-tulando rasulu 12:3

Nopandeꞌaane kaowu habuno maitu doꞌiaꞌane miendo Yahudi, Herodes tanoangka-angkamo sampe netudu mie datumaami dua Petrus. Wakutuu aitu hohaeaꞌano Roti Tapa Koragino.

Tula-tulando rasulu 5:30

Yesus maitu pongkoeꞌomu, kantaiꞌeomu te sau salipu, tamaka Ompu Lahataꞌalando awuantoomu nofowanue nomaiꞌao ne mate.

Tula-tulando rasulu 4:10

Dadiꞌanomo hintimiu bhe kosasawindo miendo Israel tabeano mandeꞌaaneomu putae mie aini noꞌosamo bhe neehe-ehe ne wisemiu ini, mbaꞌinomo kuasano neano Yesus Kristus, miendo Nasaret maitu. Hintimiu kantaiꞌeomu te sau salipu, tamaka Lahataꞌala nofowanue maiꞌao ne mate.

2 Korintus 11:26

Idi ini sakala, nentuhumo aewiseki balaano luano oe, balaano karampasi, balaa maiꞌao ne saliwuku miendo Yahudi bhe mie suano Yahudi; aewiseki balaa weo kota, balaa we pandaso bhalano, balaa we teꞌi; aewiseki dua balaa maiꞌao ne mie mpahabhahi-bhahitieno.