1 Petrus 4:8 - Muna Southern Dialect

⁸ Tamaka fofoliuꞌano, pomoa-moasiꞌao sampuu-mpuuno lalomiu, kapaꞌamo ane dopomoa-moasiꞌao dohelasimo dua dopomaꞌa-maꞌafuꞌao, mahingga nobhahi kaꞌalando.

1 Petrus 4:8 Referans Kwoze

Kolose 3:14

Te wawono bhahi-bhahiꞌae naꞌa pomoa-moasiꞌaoꞌomu, kapaꞌamo o kanini kaasi kanggetumo kawawe mosangkano kaseꞌisendo umati.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

Yakobus 5:20

Tandaiꞌeomu wamba aini: mie moolino mosulino mie kodhosa ne metaaꞌano, mie aitu namosalamatimo alusuno mie kodhosa naꞌa maiꞌao ne mate, bhe nabhahi dhosa tiꞌamponiꞌano.

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

1 Tesalonika 3:12

Sio-siomo dua Ompu namodhulu kabhalano kanini kaasimiu sapada-pada hintimiu bhe ne sabhaha mie ampa napontalabhi-labhi, pedamo dua kanini kaasi mani ne hintimiu.

Ibrani 13:1

Naetaa sadhia pomoni-moniniꞌaoꞌomu peda mie pobhahi-bhahitieno!

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

3 Yohanes 1:2

Bhahitieku nemoasiꞌaoku, aguhaangko sio-siomo sadaa-daa mengkoha-ngkoha weo kataano namisi bhe katotomata, pedamo dua alusumu sametaa.

Yakobus 5:12

Bhahitieꞌiku, fofoliuꞌano kafaraluu, koise podhandi sampe femataomu mesambiliomu lani tawa o wite tawa mesambiliomu o ae maka dua. Dadiꞌanomo ane patudhumu uumbe, tafokoꞌuumbemo; ane patudhumu paise, tafokopaisemo, keana meꞌawaomu kahukumu.

1 Korintus 13:4

O kanini kaasi maitu nokosabaha, netaa lalono; o kanini kaasi maitu miina nakondua lalono. Kanini kaasi miina nasumangke-sangke wutono bhe miina naelangke diuno.