1 Petrus 4:18 - Muna Southern Dialect

¹⁸ ⸤ Weo Kitabi notibuhi peda aini,⸥ “Ane mie banara noꞌalimo dasumalamati, o ae bhahaa so kumadhadhiaꞌano ne mie pata meangkano bhe mie kodhosa?”

1 Petrus 4:18 Referans Kwoze

Lukas 23:31

Kapaꞌamo ane sau moꞌuhi dohabue peda ini, damafaꞌiane bhahaa sau kamateno?”

Yudas 1:15

Ompu Lahataꞌala nabhitahaki kosasawindo mie, nahumukumu mie modai hampano habu modaindo, nahumukumu dua mie kodhosa pata sumombaino Lahataꞌala mbaꞌinomo sabhaha wamba kafekaꞌaebu nefolimbando ne Ompu.”

1 Korintus 10:12

Mie mabhino wutono notangka eheno, tabeano naposiꞌondo bhahasaa notifondole.

Roma 1:18

Nomaiꞌao te surugaa Lahataꞌala nofotiwoha amahano ne sabhaha dhosa bhe habu modaindo manusia. Weo podiu modaindo desongkowi kabanara.

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

2 Petrus 3:7

Tamaka hampanomo dua bhoasaono naꞌa lani bhe dhuniantoomu ampa aitu sadaa-daa nodambaꞌaane, neanomo mada kaowu namohansuruane efi; nohunsa-hunsae ampa nahumato tempono so katibhotusiꞌando bhe katifobinasaꞌando mie modai.

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

Roma 5:6

Wakutuuno miina dakonipooliomua, ne tempo toka nefotantuno Lahataꞌala, Kristus nomate so intaodiomu mie modai.

Tula-tulando rasulu 27:24

‘Paulus, koe moteꞌia, tetewei powise bhe Omputo Kaisar. Hampano rahamatino Lahataꞌala kosasawindo mie owaꞌamu weo bhangka ini dasumalamati, mbaꞌinomo bhe hintu.’

Lukas 15:1

Dobhahi mealaꞌino sewa bhe mie kodhosa sadhia domai ne Yesus dofetingke kafoinaꞌuno.

Tula-tulando rasulu 27:31

Gahaꞌa Paulus nopugaumo ne meangkando tantara bhe tantara sigaoꞌano ambano, “Ane paemo bhe andoa maitu weo bhangka, pae sumalamatiomua.”

1 Timotius 1:9

Nofaraluu datumandaiꞌe, tubhono agama dofokonandooꞌe suano so mie metaaꞌa, tamaka patudhuno mpuu so damewanakiꞌao podiundo mie kumangkalaꞌino sabhaha tubho anaꞌa, peda o mie modaino isikadhi, mie pata sumombaino Ompu, mie kodhosa, mie tapa koꞌagamano, mie mosibhalano dhunia, mie mongkono inano tawa amano, mie fopongkono,

Yakobus 5:6

Padamo hukumuomu mie tapa kokaꞌala bhahamoa pongkodaomu, maka miina damewangikoomua.