1 Petrus 4:14 - Muna Southern Dialect

¹⁴ Ane dowambakikoomu mbaꞌinomo angkafiomu Kristus, kodawuaꞌomu. Ingka nokomaꞌanaꞌao Rohino Lahataꞌala kumalabhiano neate weo totono lalomiu.

1 Petrus 4:14 Referans Kwoze

1 Petrus 3:14

Tamaka mahinggamo kumadee-deeꞌomu hampano angkafiomu kapoindalono Lahataꞌala, ingka kodawuaꞌomu. Dadiꞌanomo koise moteꞌiomu ne laꞌae maka dua, koise tikendaomua.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

Matius 5:11

Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi.

1 Petrus 3:16

Ampamo kaowu totono lalomiu kumatanga-tangano, tabeano namoinda. Patudhuno ane o mie daꞌumumbukoomu mbaꞌinomo dadi metaamiu peda mie mangkafino Kristus, tadaoambanoꞌaomo wutondo.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

Yohanes 15:21

Kosasawiꞌae naꞌa dahumabue ne hintimiu hampano hintimiu anaguhuꞌiku, kapaꞌamo miina damandeꞌaanea Tumudu kanau.

Yakobus 5:11

Andoa maitu ingka doabhidaomu dokodawua, kapaꞌamo dokampuu-mpuu dopotaami. Ingka fetingkeemoomu potaamino anabii Ayub. Pandeꞌaaneomu dua panda-pandano neꞌawa ae maiꞌao ne Ompu. Kanandooꞌano peda aini hampano Ompu nofoliu kamoasiꞌaono bhe kabhelano lalono ne manusia.

Tula-tulando rasulu 13:45

Sadowoha kabhahindo mie peda naꞌa, miendo Yahudi dokoulamo ne Paulus bhe Barnabas sampe dofekaꞌaebuda bhe doewangi kafoinaꞌundo.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

Ibrani 11:26

Weo fekihino Musa, kafekaꞌaebu neꞌawano hampano kaparasaeano ne Mesias Omputo Fosalamatino, noliuꞌe kakoharagaano bhe kosasawiꞌae arataano witeno Mesir, hampano nofeki-fekihi ponambo te oleo mbuhumai.

Galatia 1:24

Dadiꞌanomo andoa dofekakalabhia Lahataꞌala mbaꞌinomo kumadhadhiaꞌano ne idi ini.

Yohanes 9:34

Dotobhoosimo ambado, “Hintu ini lente weo dhosa, maka patudhumu moinaꞌu kainsami gahaꞌa?” Pada aitu dogihasiemo, miinamo naembali namesua weo lambu kasambaheaꞌa.

Yohanes 9:28

Gahaꞌa tadofeꞌawuti bhe dopugau ambado, “Hintu kaowu anaguhuno mie anaꞌa, insaodi ini anaguhuno anabii Musa.

Yohanes 8:48

Dotobhoosimo miendo Yahudi ne Yesus ambado, “Ingka nokotuꞌumo pugau mania, hintu itu miendo Samaria nopesuakikomo seetani.”

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

2 Petrus 2:2

Dabhahi mie so mangkafino podiundo nekuasaino sabhaha nafusuu modai. Hampano kafoinaꞌu bhe habundo dabhahi mie so mekaꞌaebuno Kaangkaꞌano Kabanara, ⸤ maꞌanano kaparasaea ne Kristus⸥ .

Tula-tulando rasulu 18:6

Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Tula-tulando rasulu 28:22

Ampamo kaowu tapoindalo tametingke ne wutomu peda ae fekihimu itu, kapaꞌamo tapandeꞌaane kafoguhu aini dobansie ne amai onuno liwu.”

2 Korintus 4:10

Mateno Yesus sadhia tawoowae ne mbadha mani, neanomo dadino Yesus natiwoha dua ne mbadha mani.

2 Korintus 4:16

Dadiꞌanomo insaodi ini miina naotembe lalo mani; mahinggamo mbadha kasara mani wohaꞌano dhulu kasiuru, tamaka totono lalo mani seꞌo-seꞌoleo dopahabuꞌounie.

1 Petrus 4:16

Tamaka ane kumadee-deeꞌomu mbaꞌinomo angkafiomu Kristus, koise moambanoaneomu, tamefoampemoomu katumpuno lalomiu ne Lahataꞌala hampano dokonakoomu mangkafino Kristus.