1 Petrus 4:13 - Muna Southern Dialect

¹³ Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Petrus 4:13 Referans Kwoze

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Roma 5:3

Suano kaowu taꞌanaꞌaa, tamaka nowula dua lalontoomu weo kakadee-deentoomu, kapaꞌamo dopandeꞌaane o kakadee-dee neowa kakosabaha dopotaami.

Filipi 3:10

Ampamo sehonda kapoindaloku: amandeꞌao Kristus, amandeꞌao dua kuasa kawanuꞌano maiꞌao ne mate, bhe aeala dawu weo kakadee-deeno, neanomo asekatu bhe Anoa weo mateno.

2 Korintus 1:7

Kaposahunaꞌao mani ne hintimiu notangka, hampano tapandeꞌaane putae tapedamo dua mealaomu dawu ne kakadee-dee mani, mealaomu dawu ne katilawesino lalo mani.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

2 Korintus 4:10

Mateno Yesus sadhia tawoowae ne mbadha mani, neanomo dadino Yesus natiwoha dua ne mbadha mani.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

2 Korintus 4:17

Kapaꞌamo kasabha mosape sebantahano ini, naeowa kainsami kakalabhia suhue dhamani pata tikiha-kihano, sabhaha kasabha mani ini paemo bhe maꞌa-maꞌananoa.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

1 Petrus 1:13

Dadiꞌanomo naetaa namantaa-ntaa totono lalomiu. Fewanaki wutomiu bhe posahunaꞌaaneomu mpuu kabarakati so neꞌawamiu ne oleo kahatoꞌano Yesus Kristus namada kaowu.

Tula-tulando rasulu 16:25

Kafewuntaꞌino alo Paulus bhe Silas dosambaheamo bhe delagu-lagu dopudhi Lahataꞌala. Katohongku bhaindo dofetingkeda dua.

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Matius 25:23

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Lukas 17:30

Nadamo dua anaꞌa so kumadhadhiano ne oleono Anano Manusia namotiwoha Wutono.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Roma 8:18

Aparasaea mpuu, sabhaha kakadee-dee netompalointo ne dhamani aini pae sepaliꞌa napobandingia bhe kakalabhia pataꞌo tiwohaꞌano so neꞌawantoomu mada kaowu.

2 Korintus 1:5

Kapaꞌamo taeꞌawamo kakadee-dee pontalabhi-labhino hampano kaseꞌisentoomu bhe Kristus, pedamo dua anaꞌa taeꞌawa kalawesi pontalabhi-labhino noangka ne Kristus.

1 Petrus 2:21

Dokosabaha weo kakadee-dee, ingka anaꞌamo katibhasiꞌamiu ne Lahataꞌala, kapaꞌamo wutono Kristus padamo dua nokadee-dee so hintimiu. Pedamo anaꞌa ingka nehunsaangkoomu sandaha so neangkafimiu, tumapiomu koinaꞌano.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.