1 Petrus 3:20 - Muna Southern Dialect

²⁰ Rohi andoa maitu saneamo pata meangkano ne Lahataꞌala ne dhamanino Nuh endefiꞌini. Wakutuu anaꞌa Lahataꞌala nokosabaha noantagi manusia dabhalii diundo, tangasano Nuh nofotoka bhangka bhalano nehabuno. Ne naꞌa seendai kaowu sumalamatino maiꞌao ne luano oe bhalano, kabhahindo dooalu.

1 Petrus 3:20 Referans Kwoze

2 Petrus 2:5

Pedamo dua anaꞌa we dhamani wawono, mie modai miina dalumapaa ne kahukumuno Lahataꞌala. Anoa nofosampu luano oe bhalano ne dhuniando mie modai naꞌa, maka mpahinomo Nuh bhe mie pipituno poowaꞌano sumalamatino. Nuh ini sadhia nofofohatoꞌao dadi banara.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Matius 7:14

Tamaka noseke fointo bhe nomahasai mpuu kaangkaꞌa humopeꞌano ne dadi suhue dhamani, pakade miina dabhahia mie mangkaiꞌe.”

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.

Roma 9:22

Pedamo dua aitu Lahataꞌala, nokopatudhu namotiwoha amahano bhe namotipandeꞌao kuasano. Ampamo kaowu nokosabaha mpuu ne mie so nekangkanaino amahano, mentaa-ntaano kabinasa.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

Tula-tulando rasulu 2:41

Dobhahi mie marasaeano ne pugauno Petrus, maka dokadiuda. Oleo itu umati dotitubhahi, kabhahindo dapetolu hewu.

1 Petrus 1:9

Kaoꞌiaꞌamiu hampano patudhuno kaparasaeamiu nosampemo, maꞌanano nosalamatimo alusumiu.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 2:25

Kapaꞌamo endefiꞌini hintimiu pedamo dhumba kolilinono, tamaka ampa aitu sulimoomu ne Mie dhumaganikoomu, umondofaono alusumiu.

1 Petrus 3:19

Weo kuasano Rohi anaꞌa Kristus nokala nefolele bhihita ne sabhaha rohi netohongku.

1 Petrus 4:19

Dadiꞌanomo ane nandoo kumadee-deeno noposahataa bhe kapoindalono Lahataꞌala, naetaa damotawakala dadindo ne Lahataꞌala bhe sadhia dahumabu metaa. Kapaꞌamo Anoamo Fofokonandoono, nokampuu-mpuu ne dhandino.