1 Petrus 2:25 - Muna Southern Dialect

²⁵ Kapaꞌamo endefiꞌini hintimiu pedamo dhumba kolilinono, tamaka ampa aitu sulimoomu ne Mie dhumaganikoomu, umondofaono alusumiu.

1 Petrus 2:25 Referans Kwoze

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Matius 9:36

Nowoha mie bhahi maitu, Yesus nobhelaandamo lalono, kapaꞌamo dongawamo bhe miinamo dakototonolaloa, tapedamo dhumba tapa kodhagaꞌano.

Matius 18:12

“Peda amai fekihimu? Ane seemie nokodhumba moꞌono ulu, maka nomiinae seꞌulu, naeafamo bhahaa? Ingka tetewei tanahumunsada te kabhawo siua fulu siua uluno, maka naꞌumondofi miinaeꞌano naꞌa.

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

Ibrani 5:2

Seemie Imamu Bhalano nembali nomalu-malusi mie tapa konipandeꞌaono bhe kolilinono fekihi, kapaꞌamo wutono nonale dua peda mie bhaindo.

1 Petrus 3:20

Rohi andoa maitu saneamo pata meangkano ne Lahataꞌala ne dhamanino Nuh endefiꞌini. Wakutuu anaꞌa Lahataꞌala nokosabaha noantagi manusia dabhalii diundo, tangasano Nuh nofotoka bhangka bhalano nehabuno. Ne naꞌa seendai kaowu sumalamatino maiꞌao ne luano oe bhalano, kabhahindo dooalu.