1 Petrus 2:20 - Muna Southern Dialect

²⁰ O ae bhahaa kapudhiano ane potaamiꞌao kakadee-dee mbaꞌinomo kokaꞌala? Tamaka ane humabu metaaꞌomu maka potaamiꞌao kakadee-deemiu, ingka fekaꞌiamoomu lalono Lahataꞌala.

1 Petrus 2:20 Referans Kwoze

1 Petrus 2:19

Ane ne olotamiu nandoo nefodee-dee tamaka miina dakokaꞌalaa, naetaa tadasumabahamo datumongku kakadee-dee anaꞌa, hampano dofeꞌulai Lahataꞌala. Ane humabuomu peda naꞌa, ingka fekaꞌiamoomu lalono Lahataꞌala.

1 Petrus 3:17

Ane kapoindalonomo Lahataꞌala dakumadee-dee, ingka netaa dokadee-dee hampano dohabu metaa, bhe dokadee-dee hampano dohabu modai.

1 Petrus 3:14

Tamaka mahinggamo kumadee-deeꞌomu hampano angkafiomu kapoindalono Lahataꞌala, ingka kodawuaꞌomu. Dadiꞌanomo koise moteꞌiomu ne laꞌae maka dua, koise tikendaomua.

Lukas 6:32

Ane moasiꞌao kaowu mie moasiangko, o ae gahaꞌa so tipudhiꞌano? Ingka mahingga mie kodhosa doasiꞌao dua mie moasianda.

Matius 5:47

Ane pofendeꞌaoꞌomu kaowu bhe bhahitieꞌimiu, o ae poꞌalaꞌano bhe habundo mie bhaimiu? Ingka mahingga mie pata mandeꞌaono Lahataꞌala dohabu dua peda naꞌa.

1 Korintus 4:11

Taꞌampamo aitu taoꞌaho bhe nokekele wuꞌu mani, pakea mani tanokobhini-bhinimo, dotofali kainsami bhe tatalilimo miina takolambua.

Markus 14:65

Pada aitu sigaꞌa dokapehasiemo, dodampu matano maka dotumbusie poowa dofeenae ambado, “O anabii, soba bhoto notumbuko laꞌae!” Sampe mie dhumagano detofalimo dua.

Matius 26:67

Pada aitu dokapehasi ulano bhe dotumbusie; sigaoꞌano dohambisie, bhe dopugau ambado,

Filipi 4:18

Kosasawiꞌae atahimaemo, nokapotiemo kafaraluuku, tanokolabhimo dua. Pada atahima kapakatumiu ne Epafroditus, miinamo akonikaea. Kawaꞌaomiu ini tapedamo kapopanga mowondu, mekaꞌiano lalono Lahataꞌala bhe nemoasiꞌaono.

Efesus 5:10

Ulei lalomiu so mandeꞌaoꞌomu o ae mekaꞌiano lalono Lahataꞌala.

Galatia 4:18

Daanumo netaa nokamai-mai lalondo, ampamo kaowu ne metaaꞌano, tamaka sumanomo sadhia peda naꞌa, koe kaowu ane apobhaiangkoomu.