1 Petrus 2:2 - Muna Southern Dialect

² Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

1 Petrus 2:2 Referans Kwoze

Efesus 4:15

Tamaka ane damintaha ne kabanara, damugauꞌao kumotuꞌuꞌano weo kanini kaasi, tetewei dadintoomu dhulu kasumangka peda dadino Kristus, mefotu kaita.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

Markus 10:15

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

Matius 18:3

bhe nopugau ambano, “Amohatokoomu, kotu-kotuꞌu ane pae bhaliiꞌomu fekihimiu maka membaliomu nada anaꞌi, pae mesuaꞌomua weo Kafopahintaꞌano Lahataꞌala.

Efesus 2:21

Weo kaseꞌiseno bhe Kristus katokano koseꞌonu lambuꞌae, netaa potudu-tuduꞌano bhe dhulu kabhala, nembali lambu mongkilo nefekopuuni ne Lahataꞌala.

Roma 6:4

Weo kakadiu sarani, intaodiomu domatemo bhe padamo dofokobuhu poowa bhe Kristus, neanomo tapedamo wutono Kristus dofodadie maiꞌao ne mate hampano kuasano Amano kumalabhiano, intaodiomu dua dadumadi weo dadi buꞌou ⸤ te dhunia ini⸥ .

1 Petrus 1:23

Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

Matius 19:14

Nopugaumo Yesus ambano, “Hunsaꞌanomo anaꞌi andoa itu damai se Idi, koise eleꞌaandaomua, kapaꞌamo mie medandomo andoa ini so mieno Kafopahintaꞌano Lahataꞌala.”

Lukas 18:17

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”