1 Petrus 2:1 - Muna Southern Dialect

¹ Dadiꞌanomo, ohoeꞌoomu toha sabhaha modaiꞌano, koemo kopahaomu, koemo fehaaꞌulaomu, koemo nokondua lalomiu bhe koemo dua foꞌumbuomua.

1 Petrus 2:1 Referans Kwoze

Efesus 4:31

Ohoeꞌomu sabhaha kaleano lalo, ponanti-nantiꞌao bhe amaha. Ohoeꞌomu dua pokei-keisiꞌao amaha, bhe pofeka-fekaꞌaebu. Fekakodoꞌoeꞌomu bhahi-bhahiꞌae naꞌa bhe sabhaha podiu modai.

Yakobus 1:21

Dadiꞌanomo ohoeꞌomu toha podiu mohaku bhe sabhaha kanea modai. Fekamalu lalomiu bhe tahimaeꞌomu bhoasaono Lahataꞌala toka netisa weo totono lalomiu, kapaꞌamo bhoasao aitu nokokuasa namosalamatikoomu.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.

1 Petrus 3:10

⸤ Weo Kitabi notibuhi peda aini,⸥ “Ane o mie noasiꞌao dadi metaa bhe nopoindalo kataano namisi, tabeano nadhumagani lelano ne pugau modai bhe wiwino ne wamba kopaha.

1 Petrus 4:4

Ampa aitu mie tapa mandeꞌaono Lahataꞌala tadomente mbaꞌinomo miinamo posabhangkaandaomu weo podiu tampahasa pontalabhi-labhino maitu, katiꞌumbuꞌamiumo.

1 Petrus 4:2

Dadiꞌanomo katumpono dadimiu we dhunia ini pakeeꞌomu angkafiomu kapoindalono Lahataꞌala, koise angkafiomu kapoindalono manusia.

Yakobus 5:9

Bhahitieꞌiku, koise kamuntu-muntuomu bhe pofeꞌa-feꞌalaomu keana meꞌawaomu kahukumu. Tandaiꞌeomu, Fobhitahakino neehe-ehemo ne wobhano fointo.

Ibrani 12:1

Intaodiomu ini dofowaliligi sakusii bhahino naꞌa, tapedamo o olu dofokaputi. Dadiꞌanomo ⸤ kanggetu meangkafino pogolo-goloꞌa⸥ hunsa kaitaeꞌomu toha sabhaha fofekabhieno bhe foꞌonto-ontomino bhe dhosa mansopikano. Tende kaitaomu kansuhu, potaami kaitaomu weo pogolo-goloꞌa newisekintoomu ini.

1 Timotius 3:11

O hobhinendo dua tabeano mie metaano diu, suano mie pande umbu, tabeano damoolie damewanaki totono lalondo bhe datiparasaea mpuu.

1 Petrus 2:22

Anoa miina sepaliꞌa nakodhosaa, miina dua nakopahaa.

Titus 2:3

Pedamo dua kamungkula hobhine, tangahida dadumadi metaa peda mantasiꞌano so mie meompuno ne Lahataꞌala, koise dofoꞌumbu, koise nofobhatuada kafohoꞌu. Andoa tabeano damande dafofoinaꞌuꞌao metaaꞌano,

1 Korintus 14:20

Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.

Roma 1:29

Totono lalondo noponoꞌaomo sabhaha modaiꞌano, podiu pata metaaꞌano, o kakadau-dau, pokondu-konduaꞌao lalo, nafusuu dafopongko, pogiha-gihaꞌa, kabhohe-bhoheꞌi bhe feꞌili dadumai-dai mie bhaindo.

Lukas 6:42

Peda ae dua pugauꞌao ne bhahitiemu, ‘Bhahitie, mai amaliangko kanenano habha weo matamu itu’, gahaꞌaitu kakebhano sau weo matamu miina mohaea. Hintu mie mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

Matius 23:28

Pedamo dua hintimiu itu, ne pomatando mie wohaꞌamiu mie banara, gahaꞌaitumo we lalomiu sanea fekihi mehaaꞌulano bhe isikadhi modai.

Matius 7:5

Hintu mehaaꞌulano! Alimo kadeki kakebhano sau weo matamu itu, so nentaleaꞌao umondo maka mali kanenano habha weo matano bhahitiemu.”

2 Korintus 12:20

Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

Powoha 14:5

Ne wiwindo miina sepaliꞌa bhe pahaa, andoa miina dakodengo-dengoa.

1 Petrus 2:16

Dadiomu peda mie bebasi, tamaka koise pakeomu kabebasi aitu somo tingkuno habu modaimiu. Dadiomu peda seemie palima-limano Lahataꞌala.

Yakobus 4:5

Koise fekihiomu miina nakotingkua wambano Kitabi aini, “O rohi neteino Lahataꞌala weo totono lalontoomu gaono mpuu so fehebuaꞌano.”

Yakobus 3:14

Tamaka ane nakondua lalomiu ne mie bhaimu bhe sadhia ondofao kaowu kafaraluuno wutomiu, koise sangke-sangke wutomiu putae kotimbangiomu, kapaꞌamo ane nada aitu ingka bhansuleemoomu kabanarano Lahataꞌala.

1 Tesalonika 2:3

Katangahi mani ne hintimiu miina namaiꞌao ne fekihi umala, miina dua namaiꞌao ne patudhu pata mongkilo tawa so dafobhohe-bhoheꞌiꞌao.

1 Korintus 5:8

Dadiꞌanomo poharoa kaitaomu, koe daepake roti koragi ngkodauꞌano, kaꞌibahatino sabhaha mohakuꞌano bhe modaiꞌano. Tamaka mepake kaitaomu roti buꞌou pata koragiꞌano, kaꞌibahatino dadi mongkilo bhe banara.

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Lukas 11:44

Balaamoomu, kapaꞌamo hintimiu nopototo bhe kobuhu tapa kokatandai, mie mangkano te wawono tadofinda-findaꞌimo miina damandeꞌaanea.”

Lukas 12:1

Wakutuu anaꞌa nehewundo mie dopohato-hatomo tadopogua-guamo. Yesus netandakimo nofofoinaꞌu, kabhao-bhaono nopugaumo ne anaguhuꞌino ambano, “Posiꞌondoomu bhe kodhagaomu ne ragindo miendo Farisi, maꞌanano kafehaaꞌulando.

Markus 12:15

Tamaka Yesus nopandeꞌaane dofehaaꞌula, maka nopugau ambano, “Noafa gahaꞌa soba kanauꞌomu? Waꞌa kanauꞌomu dhoi pera itu nasewoka ameꞌondoe.”

Matius 24:51

Bhatua anaꞌa namehaakebhae, kahukumuno napototoane bhe mie mehaaꞌulano. Ne naꞌamo taꞌo kangkoꞌae bhe kuꞌino wangka.”

Matius 15:7

Mie mehaaꞌulano! Nokotuꞌumo nekosuahaꞌaono anabii Yesaya nopulaoꞌao hintimiu,