1 Petrus 1:7 - Muna Southern Dialect

⁷ Patudhuno kosasawiꞌae ini somo kaꞌudhino kaparasaeamiu, nokampuu-mpuu bhahaꞌi miina. Sanginomo bulawa o bara mobinasa doꞌudhiane efi, bhemo toha kaparasaeamiu ne Lahataꞌala, ingka nofoliuꞌe kakoharagaa bhe bulawa. Mada kaowu daꞌumudhie natipandeꞌaomo kamatangkano, maka kaparasaeamiu natipudhimo ne Lahataꞌala, meꞌawaomu kafosibhala bhe kakalabhia ne oleo kahatoꞌano Yesus Kristus.

1 Petrus 1:7 Referans Kwoze

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

1 Petrus 4:12

Bhahitieꞌiku timoasiꞌaono! Koemo menteomua ane menamisiomu kakadee-dee bhalano. Kakadee-dee aitu tapedamo hendeno efi nepakeno Lahataꞌala noꞌudhi kamatangkano kaparasaeamiu. Ampamo kaowu koe kofekihiomu kadhadhia netompaloimiu naꞌa nopontalabhi-labhimo.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

1 Korintus 3:13

Ampamo kaowu nasewakutuu kahadhaano seemie-seemie tetewei natipandeꞌao, ingka oleo kahatoꞌano Ompu so motiwohaea. Kapaꞌamo ne oleo anaꞌa o efi so motiwohae, hampano kahadhaano seemie-seemie natiꞌudhi katangkano ne efi maitu.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.

2 Petrus 1:4

Pedamo anaꞌa Lahataꞌala nowaꞌa kaitaomu sabhaha dhandino koharagaano bhe foliuno kakalabhia. Hampano dhandi anaꞌa lapamoomu ne sabhaha kapoindalo fodai-daino ne dhunia ini, maka mealaomu dawu weo sifatino Lahataꞌala.

1 Petrus 2:4

Dadiꞌanomo maꞌotiomu Ompu. Anoamo tapedamo kontu dumadino. Daanumo doꞌohoe manusia, tamaka nopilie Lahataꞌala mbali kontu sandi foliuno kakoharagaa.

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Tula-tulando rasulu 8:20

Tamaka ambano Petrus, “Pesuamo narakaa bhe dhoimu itu! Saomua kadawuno Lahataꞌala doꞌoliane dhoi?

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Matius 25:23

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

1 Petrus 2:7

Kontu anaꞌa nokoharagaa sepaliꞌa so hintimiu marasaeano, tamaka so mie tapa marasaeano nopokantibhamo bhe kabuhino Kitabi peda aini, “O kontu neꞌohondo mefelambuno, ingka nembalimo sandi bhalano.”

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

Roma 2:29

Tamaka miendo Yahudi sakotuꞌuno, miina natiwoha ne mbadhano, tamaka ne totono lalono. Pedamo dua kasuna sakotuꞌuno, suano kasunano mbadha doangkafi tubho tibuhino, tamaka kasunano totono lalo nehabuno Rohino Lahataꞌala. Mie pedando aitu naetahima kapudhi maiꞌao ne Lahataꞌala, suano maiꞌao ne manusia.

Lukas 17:30

Nadamo dua anaꞌa so kumadhadhiano ne oleono Anano Manusia namotiwoha Wutono.

Roma 2:10

Tamaka sasuka mie humabu metaano daeꞌawa kakalabhia, kafosibhala bhe katohopono dadi maiꞌao ne Lahataꞌala, natumanda ne miendo Yahudi, bhe bansano liwu sigaoꞌano dua.

Roma 8:19

Alamu bhalano nefokonandoono Lahataꞌala ini nokamba mpuu lalondo dofenta-fentaa tempono Lahataꞌala namotiumba medando ae anaꞌino.

1 Petrus 1:13

Dadiꞌanomo naetaa namantaa-ntaa totono lalomiu. Fewanaki wutomiu bhe posahunaꞌaaneomu mpuu kabarakati so neꞌawamiu ne oleo kahatoꞌano Yesus Kristus namada kaowu.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.