1 Petrus 1:23 - Muna Southern Dialect

²³ Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

1 Petrus 1:23 Referans Kwoze

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Yohanes 1:13

Dembali anaꞌino Lahataꞌala, maꞌanano miina peda lentendo manusia, nomaiꞌao ne kapoindalono mbadha tawa kapoindalono moꞌane, tamaka dadi buꞌou naꞌa nomaiꞌao ne Lahataꞌala.

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

1 Yohanes 5:18

Ingka dopandeꞌaanemo kosasawindo mie toka membalino anaꞌino Lahataꞌala, miinamo daehabu kansuhu dhosa. Andoa nodhaganida Anano Lahataꞌala sampe miina namafa-afaꞌianda Kafeompuꞌando seetani.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Matius 24:35

O lani bhe dhunia naosali, tamaka wambaku ini pae bhe kasalia.

1 Yohanes 3:9

Mie toka membalino anaꞌino Lahataꞌala miinamo daehabu kansuhu dhosa, hampano sifatino Lahataꞌala neatemo weo totono lalondo. Andoa pae bhe kapoolia dehabu kansuhu dhosa, kapaꞌamo dembalimo anaꞌino Lahataꞌala.

1 Petrus 1:25

Tamaka bhoasaono Ompu sadaa-daa ampa suhue dhamani.” Ingka bhoasaomo aini o Bhihita Metaa toka nefosampe ne hintimiu.

Yohanes 1:3

Sabhaha ndumandoono nofokonandooꞌe Lahataꞌala noangka ne Anoa. O ae maka dua nefokonandoo, kanandooꞌano noangka ne Anoa.

Roma 1:23

Nesombaindo suanomo Lahataꞌala kumalabhiano pata mosoosalino, tamaka dololianemo sabhaha patung mekatuino manusia, o kaꞌuhi lumola, o kadadi fatombaliꞌano aꞌe tawa o kadadi sumolano ne wite.

Lukas 8:11

Maꞌanano kapalenda saꞌituini peda aini. O wine naꞌa bhoasaono Lahataꞌala.