1 Korintus 9:5 - Muna Southern Dialect

⁵ Bhahaa miina takohakua taewoowa bhe hobhine mani mie marasaeano peda nehabundo rasulu sigaoꞌano, bhahitieno Ompu Yesus bhe Petrus dua?

1 Korintus 9:5 Referans Kwoze

Yohanes 1:42

Andreas noowamo Simon ne Yesus. Yesus noꞌondo Simon bhe nopugau ambano, “Hintu Simon anano Yohanes; dakumonako Kefas, nopototo bhe Petrus ⸤ maꞌanano o kontu dempa⸥ .”

Matius 8:14

Nohato se lambuno Petrus, Yesus nowoha poniano Petrus nendole-ndole nosodoe.

Ibrani 13:4

Kosasawiꞌamiu fosibhalaeꞌomu o kakawi, koise pokadengoꞌao kaodoꞌamiu, kapaꞌamo mie pokawite-witeno bhe monsuleno nabhitahakida Lahataꞌala.

Galatia 1:19

Tamaka miina akonipoꞌawaꞌao rasulu sigaoꞌano, mpahinomo Yakobus bhahitieno Ompu Yesus.

1 Korintus 7:39

Seemie hobhine gumaano bhe katapuno kaomponano nodadi moꞌaneno. Ane nomate moꞌaneno, ingka nobebasi nagumaa dua bhe moꞌane nepoindalono, sumanomo mie marasaeano ne Ompu.

1 Korintus 7:7

Sakotuꞌuꞌano gaoku kosasawindo mie nada dua idi ini, ampamo kaowu ingka seemie-seemie bhe kadawu kamoisaꞌaono maiꞌao ne Lahataꞌala, seemieno peda aini seemieno peda aitu.

Tula-tulando rasulu 1:14

Andoa ini sadhia dosekakolalo dosambahea. Dosabhangkada dua hobhineꞌi, bhe Maria inano Yesus bhe bhahitieꞌino Yesus.

Titus 1:6

Seemie neangkando umati tetewei mie tapa kodengo-dengono, hobhineno seemie kaowu. Anaꞌino tabeano doparasaeamo ne Kristus, miina dakumonada mie dumadino mangkafino namisindo tawa mie tapa meangkano.

1 Timotius 5:2

Kamungkulaꞌi hobhine pototoanda bhe inamu; hobhine mohangkuno dadi pototoanda dua bhe kakutaꞌamu, namaiꞌao ne fekihimu mongkilono.

1 Timotius 3:2

Dadiꞌanomo neangkando umati tabeano mie tapa kodengo-dengono, seemie kaowu hobhineno, nopoolie nofewanaki totono lalono, nokotimbangi, nokoꞌadhati, nohelasi nefotiampe mie weo lambuno, bhe nopande nofofoinaꞌu.

1 Korintus 7:15

Ampamo kaowu ane mie pata marasaeano naꞌa gaono nahumunsa hobhineno tawa moꞌaneno, koise eleꞌaaneomua. Kapaꞌamo hintimiu moꞌane tawa hobhineno miina titapuomu. Lahataꞌala ingka nobhasikoomu so dumadiꞌaoꞌomu weo katohopono lalo.

1 Korintus 1:12

Nepulaoꞌaoku peda aini: hintimiu itu seemie-seemie nopugau, “Idi ne wetano Paulus”, “Idi ne wetano Apolos”, “Idi ne wetano Petrus”, bhe nandoo dua mugauno, “Idi ne wetano Kristus.”

Roma 16:1

Naetaa amohatokoomu, bhahitientoomu Febe ini seemie hobhine tiparasaeano, anoamo ini umondofaono umati te Kengkrea.

Yohanes 2:12

Pada aitu Yesus nokalamo we liwuno Kapernaum nopoowa-owa bhe inano, bhahitieꞌino bhe anaguhuꞌino. Andoa deate ne itu seꞌoleo haa oleo kaomponano.

Lukas 6:15

Matius bhe Tomas, Yakobus anano Alfeus, Simon miendo Zelot,

Markus 6:3

Ingka Anoa ini o tuka, anano Maria, bhahitieꞌino ndo Yakobus, Yoses, Yudas bhe Simon. Bhahitieꞌino hobhine deate dua ne ini.” Sampe nondidikiane lalondo.

Markus 1:30

Ponia hobhineno Simon nandoo nendole-ndole mbaꞌinomo nosodoe. Sapesuano weo lambu, Yesus lasao dofohatoane sakino kamungkula amaitu.

Matius 13:55

Ingka anoa ini anano tuka. Inano ingka Maria bhe bhahitieꞌino ndo Yakobus, Yusuf, Simon bhe Yudas.

1 Timotius 4:3

Andoa deꞌeleꞌao mie dagumaa bhe ambado nandoo oti so pata membaliꞌano daomaaꞌe. Gahaꞌaitumo oti amaitu nofokonandooꞌe Lahataꞌala so daomaa mie marasaeano ne Kristus bhe toka mandeꞌaono kabanara, poangka damoampe katumpuno lalondo.

1 Korintus 7:8

Andoa pata gumaano bhe andoa bhihinandano, amohatoda naetaa koemo dogaaꞌa, pedamo dua idi ini.

Lukas 8:20

Dofohatoemo mie ambado, “Inamu bhe bhahitieꞌimu deehe-ehe we simbali, gaondo dapoꞌawaangko!”