1 Korintus 9:22 - Muna Southern Dialect

²² Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.

1 Korintus 9:22 Referans Kwoze

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

1 Korintus 9:19

Idi ini o mie bebasi, suano bhatuando manusia. Ampamo kaowu afobhatua wutoku ne kosasawindo mie, neanomo sedhuluꞌa dua kabhahindo mie so neowaku ne Kristus.

Roma 15:1

Intaodiomu motangkano kaparasaea tabeano dakosabaha ne bhahitieꞌi monaleno kaparasaea bhe datumulumida. Koise doꞌondofi kaowu so kaoꞌiaꞌano wutontoomu.

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Galatia 6:1

Bhahitieꞌiku, ane nandoo mie nehatofimiu nehabu dhosa, hintimiu dumadino mangkafino Rohino Lahataꞌala tabeano tumondaeꞌomu so nasumuliꞌao ne metaaꞌano. Tamaka tabeano malu-malusieꞌomu bhe dhagani wutomiu bhahasaa tiwudhuomu dua bhe hintimiu.

1 Korintus 8:13

Dadiꞌanomo ane o oti nehumaa naembali kakodhosaꞌano bhahitieku, akiido sepaliꞌa aomaa oti aitu ampa suhue dadiku, keana aehabu dhosa so bhahitieku naꞌa.

1 Korintus 7:16

Hintu hobhine, nada amai mandeꞌaane bhahaa putae moꞌanemu pataꞌo marasaeano maitu pae mosalamatie? Pedamo dua hintu moꞌane nada amai mandeꞌaane bhahaa putae hobhinemu pataꞌo marasaeano maitu pae mosalamatie?

2 Korintus 11:29

Ane bhe monaleno, ingka aonale dua; ane bhe mondawuno weo dhosa totono laloku pasae dotunue.

Roma 14:1

Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Roma 14:2

Nandoo marasaeano putae nembali dohumaa sabhaha tihumaaꞌano, tamaka nandoo dua pata motangkano kaparasaea tadohumaa kaowu hunsau.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

1 Korintus 9:23

Bhahi-bhahiꞌae ini ahabue hampano Bhihita Metaa so aealaꞌao dua dawu weo kabarakatino.