1 Korintus 9:14 - Muna Southern Dialect

¹⁴ Pedamo dua aitu Ompu padamo nofotantue, o mie mefoleleno Bhihita Metaa dadumadi namaiꞌao ne foleleꞌano Bhihita Metaa.

1 Korintus 9:14 Referans Kwoze

Matius 10:10

Koise dua mewowoꞌoomu bhaku so we laano sala, koise mewowoꞌoomu bhadhu nahaa tuwu, koise mepakeomu kaampini tawa katuko, kapaꞌamo mie kumahadhaa nopantasi naꞌumawa ponambono.

Galatia 6:6

Mie nefoinaꞌuꞌao bhoasaono Ompu, naetaa nadumawue dua sabhaha kanandoono metaaꞌano bhe guruno.

1 Korintus 9:4

Bhahaa miina takohakua taomaa bhe taohoꞌu hasilino kaowuleꞌa mani?

Lukas 10:7

Meateomu ne lambu aitu, humaaꞌomu bhe fohoꞌuomu ampa kawaꞌaondo, kapaꞌamo mie kumahadhaano nopantasi naꞌumawa ponambono. Koise mebhali-bhaliiꞌomu lambu kabutuꞌa.

Lukas 10:8

Ane mesuaꞌomu ne seꞌonu kota maka datumahima metaakoomu ne itu, humaaꞌomu ampa kawaꞌaondo ne hintimiu.

Tula-tulando rasulu 18:3

maka neate bhe andoa hampano kadadiꞌando nopototo. Andoa dokahadhaa doposabha-sabhangka dehabu-habu kulino kadadi mbali tenda.

1 Korintus 4:15

Kapaꞌamo mahingga ampa aitu peda mie marasaeano ne Kristus bheanea nehewunomo gurumiu, tamaka amamiu seemie kaowu. Weo kaparasaeamiu ne Kristus Yesus idimo ini amamiu, hampano Bhihita Metaa nefosampeku ne hintimiu.

1 Korintus 9:11

Ingka padamo taeꞌewiangkoomu wine metaa weo dadimiu, nomaiꞌao ne Rohino Lahataꞌala. Bhahaa nopontalabhi-labhimo ane taeꞌawa seendai so kadadiꞌa mani te dhunia ini maiꞌao ne pehapimiu?

1 Korintus 9:12

Ane mie sigaoꞌano dokohaku daetahima dawundo maiꞌao ne hintimiu, ingka kunaꞌekumo nofoliu dua kakohaku mania. Ampamo kaowu haku aitu miina tamakeea. Insaodi nandoo tapoindalo tasabahaki sabhaha kasabha, sumanomo koe taꞌontomi foleleꞌano Bhihita Metaano Kristus.

1 Korintus 9:16

Kapaꞌamo ane aefolele Bhihita Metaa maiꞌaono ne Lahataꞌala, miina bhe tingkunoa amowose bhakeku, hampano takakumo tetewei amolelee. Abalaamo mpuu ane paise aefolele Bhihita Metaa!

2 Korintus 2:12

Ahato we Troas, patudhuku aefolele Bhihita Metaano Kristus, gahaꞌa wutono Ompu padamo nelengka kanau kasalawa metaa so kahadhaa anaꞌa.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.