1 Korintus 8:9 - Muna Southern Dialect

⁹ Tamaka dhaganie mpuu bhahasaa kabebasimiu itu nembali kakodhosaꞌando so mie bhaimu tapaꞌo motangkano kaparasaea.

1 Korintus 8:9 Referans Kwoze

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

1 Petrus 2:16

Dadiomu peda mie bebasi, tamaka koise pakeomu kabebasi aitu somo tingkuno habu modaimiu. Dadiomu peda seemie palima-limano Lahataꞌala.

2 Petrus 2:19

Mie andoa naꞌa dodhandianda kabebasi, gahaꞌaitumo wutondo mpahaguru-guruno maitu nofobhatuada kanea fofobinasano. Ingka dopandeꞌaane ane seemie manusia notalo, nembalimo bhatuano o ae maka dua tumaloe naꞌa.

1 Korintus 10:24

Koise ondofao kaowu kafaraluuno wutomiu, tamaka ondofaoꞌomu dua kafaraluundo mie bhaimiu.

1 Korintus 10:32

Ne kodadimiu koise mehabuomu kakodhosaꞌando mie bhaimu, naetaa miendo Yahudi, naetaa miendo Yunani, tawa umatino Lahataꞌala.

1 Korintus 9:22

Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.

1 Korintus 8:12

Ane kodhosaomu ne bhahitieꞌimiu peda anaꞌa bhe bhelaiꞌeomu totono lalondo pataꞌo motangkano kaparasaea, ingka sakotuꞌuno kodhosamoomu dua ne Kristus.

1 Korintus 8:10

Ibahano mie bhaimu tapaꞌo motangkano kaparasaea namoha hintu kokapandeno mengkoha-ngkoha momaa weo lambu kasombaiꞌa barahala, ingka anoa itu naokadomo dua naomaa oti kapopanga ne barahala.

Powoha 2:14

Tamaka nandoo sehonda haa honda pata nepoindaloku ne hintimiua: ne olotamiu itu nandoo mangkafino kafoinaꞌuno Bileam. Anoa ini notangahi Balak namekakolilino totono lalondo miendo Israel daomaa oti kapopanga so barahala bhe dapokawite-wite.

2 Korintus 11:21

Hunsaꞌanomo aoambanoana, miina takumapoiꞌea kaꞌasi sabhaha habu medando naꞌa. Tamaka ne ae maka dua mie bhaindo dokado dosangke-sangke wutondo, o idi aokado dua. (Pugauku ini ingka pugaundo bhohe).

1 Korintus 10:29

Nepulaoꞌaoku suano totono lalomiu, tamaka totono lalono mie mohatokoomu itu. ⸤ Bheanea bhe so meenano dua,⸥ “Noafa bhahaa kabebasiku tabeano dotieneane dua totono lalondo mie bhaiku?

Roma 15:1

Intaodiomu motangkano kaparasaea tabeano dakosabaha ne bhahitieꞌi monaleno kaparasaea bhe datumulumida. Koise doꞌondofi kaowu so kaoꞌiaꞌano wutontoomu.

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

1 Korintus 10:28

Tamaka ane bhe mohatokoomu, “Oti aini padamo dopopangae ne barahala!” koemo humaa, keana nondidiki lalono mie mohatokoomu itu bhe keana dua nosabha totono lalo kumatanga-tangano.

2 Korintus 6:3

⸤ Weo dhalangiꞌano taka mani⸥ takiido taehabu tingku so katifoꞌalaꞌa mani ne laꞌae maka dua, neanomo taka kaꞌondofao mani ini paise natisambili modaia.

2 Korintus 11:29

Ane bhe monaleno, ingka aonale dua; ane bhe mondawuno weo dhosa totono laloku pasae dotunue.

Kolose 2:8

Posiꞌondoomu, koise dofetandoangkoomu fahamuno agama tapa kofahalaa, ingka nefekakolilino kaowu totono lalondo mie. Fahamu medando naꞌa miina namaiꞌao ne Kristus, tamaka nomaiꞌao ne fekihindo manusia nepomantulu-ntuluꞌao bhe nomaiꞌao dua ne rohi kumuasaino dhunia ini.