1 Korintus 7:35 - Muna Southern Dialect

³⁵ Bhahi-bhahiꞌae ini abuhiangkoeꞌomu so kaetaaꞌano wutomiu, miina akopatudhu aꞌumonto-ontomi kabebasimiu. Patudhuku kaowu neanomo humabuomu metaaꞌano bhe mantasiꞌano, weo kaꞌondofaomiu ne Ompu pae nakambali-mbalia fekihimiu.

1 Korintus 7:35 Referans Kwoze

1 Korintus 7:36

Ampamo kaowu ane seemie moꞌane nonamisi lalono nohabu pata mantasiꞌano ane pae nagumaa bhe pohaeno, kapaꞌamo wohaꞌano pohaeno sadhulu-dhulu kakamungkula bhe tabeano dagumaamo, heruane ae dagumaa, pae dakodhosaa.

Lukas 8:14

Mondawuꞌano weo kahoku kokihi maꞌanano mie metingkeno bhoasaono Lahataꞌala tamaka nobhahi dofekihi so kadadiꞌando, so kahangkaeando bhe so kambakano namisindo. Kosasawiꞌae naꞌa nopesua weo totono lalondo maka noꞌontiꞌi bhoasaono Lahataꞌala sampe miina nakohasilia.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

1 Korintus 7:2

Ampamo kaowu hampano dolentu balaano dopokawite-wite, naetaa seemie moꞌane bhe hobhineno wutono, seemie hobhine bhe moꞌaneno wutono.

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

Matius 19:12

Nandoo mie tapa membaliꞌano dogaa, mbaꞌinomo dolente ingka pedamo naꞌa. Nandoo dua, mbaꞌinomo dohabue mie bhaindo. Nandoo dua dopoindalo wutondo miina dagumaaꞌa mbaꞌinomo Kafopahintaꞌano Lahataꞌala. Laꞌae so moolino lumosangino pugauku ini, naetaa nalumosangie!”

Titus 2:3

Pedamo dua kamungkula hobhine, tangahida dadumadi metaa peda mantasiꞌano so mie meompuno ne Lahataꞌala, koise dofoꞌumbu, koise nofobhatuada kafohoꞌu. Andoa tabeano damande dafofoinaꞌuꞌao metaaꞌano,

Efesus 5:3

Hintimiu umati mongkilono Lahataꞌala, dadiꞌanomo miina namantasia mepakeomu podiu pokawite-wite bhe pokahaku tawa kakadau-dau. Podiu medando aini mahingga sumambilieꞌomu koise.

1 Korintus 7:28

Tamaka ane gumaa, pae kodhosaa. Pedamo dua ane seemie kalambe nagumaa pae nakodhosaa. Ampamo kaowu mie gumaano nabhahi naeꞌawa kasabhano dhunia, sakotuꞌuno gaoku lumapaomu ne kasabha anaꞌa.

1 Timotius 1:10

mie pokawite-witeno, mie gumaano sapada moꞌane tawa sapada hobhine, mie poꞌoli poasoꞌaono bhatua, bhe mie megau-gauno, sakusii kopaha bhe kotika mie mehabuno kumangkalaꞌino kafoinaꞌu kumotuꞌuꞌano.

Matius 22:15

Pada anaꞌa miendo Farisi dokalamo dopugau-gau bhahaꞌi nada amai dameena ne Yesus so dametandoꞌao alano wambano.