1 Korintus 7:34 - Muna Southern Dialect

³⁴ sampe fekihino nopodawu-dawumo. Seemie hobhine tapa komoꞌaneno tawa seemie kalambe nofisiꞌonu fekihino so Ompu, neanomo mbadhano bhe alusuno naongkilo namekopuuniane Ompu. Tamaka hobhine gumaano nofisiꞌonu fekihino ne sabhaha kanandoono dhunia, gaono namekaꞌia moꞌaneno.

1 Korintus 7:34 Referans Kwoze

1 Korintus 6:20

Kapaꞌamo hintimiu itu padamo doꞌolikoomu, olimiu padamo dotanduaꞌane. Dadiꞌanomo pakeomu mbadhamiu so kakalabhiano Lahataꞌala.

Filipi 1:20

Nemokambaꞌaono laloku bhe neposahunaꞌaoku, putae nehabuku ini pae aoambanoanea, tamaka sadaa-daa aokado apugau, mangke-mangke ne wakutuu aini. Neanomo mbadhaku ini somo mekakalabhiano Kristus, naetaa weo dadiku, naetaa weo mateku.

2 Korintus 11:28

We simbalino anaꞌa seꞌo-seꞌoleo nomihi dua laloku afekihi kafaraluundo umati ne amai tombu.

Roma 6:13

Koemo owaomu katokano mbadhamiu ne dhosa, namakee so patudhu modai. Tamaka owa wutomiu ne Lahataꞌala peda mie madano mateno suli dodadi. Owaomu dua katokano mbadhamiu ne Lahataꞌala, neanomo namakee so dhumalangiꞌaoꞌomu kapoindalono.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

2 Korintus 8:16

Notumpu lalo mani ne Lahataꞌala hampano Titus nowaꞌane kakampuu-mpuuno lalo noꞌondofao hintimiu, nopototo bhe insaodi.

1 Timotius 3:5

Kapaꞌamo ane o mie pae namande namefotuꞌao polambuno wutono, nada amai bhahaa namefotuꞌao umatino Lahataꞌala?

Yohanes 10:13

Kafileiꞌano mie amaitu neala kaowu ponambo, dadiꞌanomo miina napokihaꞌianda dhumba andoa maitu.

1 Korintus 7:33

Tamaka moꞌane gumaano nofisiꞌonu fekihino ne sabhaha kanandoono dhunia, gaono namekaꞌia hobhineno,

1 Korintus 7:35

Bhahi-bhahiꞌae ini abuhiangkoeꞌomu so kaetaaꞌano wutomiu, miina akopatudhu aꞌumonto-ontomi kabebasimiu. Patudhuku kaowu neanomo humabuomu metaaꞌano bhe mantasiꞌano, weo kaꞌondofaomiu ne Ompu pae nakambali-mbalia fekihimiu.

1 Timotius 5:5

Bhihinanda dumadino weo kakae samoi-moisano, mpahinomo Lahataꞌala neposahunaꞌaonoa. Mentae mohondo nokampuu-mpuu nosambahea bhe nekatondala.