1 Korintus 7:21 - Muna Southern Dialect

²¹ Ane pakatibhasimu membali bhatua, ingka pae naoafaa. Ampamo kaowu ane bhe kasalawamu so mobebasiꞌao, pakee kasalawa aitu.

1 Korintus 7:21 Referans Kwoze

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

Lukas 12:29

Dadiꞌanomo koise fekihiomu kansuhu o ae so nehumaamiu, o ae so nefohoꞌumiu pakade koise nekenda-kenda handamiu.

1 Petrus 5:7

Fopulie sabhaha kasabhamu ne Lahataꞌala, kapaꞌamo Anoamo umondofaono dadimu.

Ibrani 13:5

Koise membaliomu bhatuano dhoi, netaamo notumpu lalomiu ne kanandoomiu. Kapaꞌamo Lahataꞌala padamo nokobhoasao, “Paise sepaliꞌa akumatahokoa, paise sepaliꞌa ahumunsakoa.”

Filipi 4:11

Apugau peda aini suano mbaꞌinomo aokae, kapaꞌamo idi ini padamo apoguhu notumpumo laloku adadiꞌao ampa ndumandooꞌano.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

1 Korintus 7:20

Seemie-seemie tabeano sadaa-daa nadumadi peda kodadino pakatibhasino ne Lahataꞌala.

1 Korintus 7:22

Hampano seemie bhatua nebhasino Ompu ingka nofobebasie Ompu. Pedamo dua mie bebasi nebhasino Ompu, ingka nembalimo bhatuano Kristus.