1 Korintus 7:19 - Muna Southern Dialect

¹⁹ Kapaꞌamo doangkafi atorano desuna bhe miina daesuna, saneamo pata kofahalaano. Maraluuꞌano doangkafi pahintano Lahataꞌala.

1 Korintus 7:19 Referans Kwoze

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

1 Korintus 8:8

Sakotuꞌuꞌano oti nehumaa miina namekakomaꞌo kaitaomu ne Lahataꞌala. Ane dohumaaꞌe miina dakolabaanea, ane miina daomaaꞌe miina dua daohugianea.

Roma 3:30

Lahataꞌala ingka Kaseemie-mieꞌano, dadiꞌanomo Anoamo tumahimano miendo Yahudi peda mie banara hampano kaparasaeando, Anoamo dua tumahimano bansano liwu sigaoꞌano peda mie banara hampano dua kaparasaeando.

Yohanes 15:14

Hintimiumo sabhangkaꞌiku, sumanomo mangkafiomu pahintaku.

Matius 5:19

Dadiꞌanomo laꞌae so kumamudaino tubhono agama Yahudi mahingga pahinta foliuno kahobu, maka namoguhuandae dua bhaindo, naeꞌawa kaengkohaꞌa foliuno kapanda weo Kafopahintaꞌano Lahataꞌala. Tamaka laꞌae mangkafino bhe fofoguhuꞌaono kosasawiꞌae pahinta anaꞌa, naeꞌawa kaengkohaꞌa foliuno kalangke weo Kafopahintaꞌano Lahataꞌala.