1 Korintus 6:6 - Muna Southern Dialect

⁶ Noafa bhahaa seemie bhahitie marasaeano nobhieꞌao dua bhahitieno, gahaꞌaitu so fobhitahakino mie pata marasaeano ⸤ ne Kristus⸥ ?

1 Korintus 6:6 Referans Kwoze

2 Korintus 6:14

Koise foseꞌise wutomiu bhe mie tapa marasaeano ne Kristus. O ae bhahaa pototoꞌano kabanara bhe podiu modai? O ae bhahaa pototoꞌano kantalea bhe kahohondo?

1 Korintus 6:7

Hampano pomobhi-mobhieꞌaoꞌomu kaowu sapada-pada hintimiu, ingka nokomaꞌana seꞌisemo dua katalomiu. Noafa bhahaa ane taꞌotumuhumoomu mahinggamo pae naꞌumadhilia? Noafa bhahaa ane taꞌotumahimamoomu mahingga damekahugikoomu?

1 Korintus 6:1

Noafa bhahaa nonandooꞌao ne olotamiu itu mokadono mefebhitahakino ne mie pata mandeꞌaono Lahataꞌala ane nopoꞌalati bhe bhahitieno? Noafa miina mefebhitahakiomu ne umati bhaimiu?

Tula-tulando rasulu 7:26

Hato nomentae nowohamo dua dohodua miendo Israel dopogiha, lasao nokala noꞌontada patudhuno napometaaꞌanda. Ambano, ‘Hintimiu ini sibhahitieꞌomu, noafa gahaꞌa pogihaꞌaoꞌomu?’

2 Korintus 6:15

Naembali bhahaa daseꞌise Kristus bhe Kafeompuꞌando seetani? O ae bhahaa pototoꞌano mie marasaeano bhe tapa marasaeano ne Kristus?

1 Timotius 5:8

Ampamo kaowu ane nandoo tapa umondofaono bhahitieꞌino, mangkenomo mie weo lambuno, ingka mie aitu nokukundoemo kaparasaeano, nodaimo dua anoa bhe mie tapa marasaeanoa.