1 Korintus 5:8 - Muna Southern Dialect

⁸ Dadiꞌanomo poharoa kaitaomu, koe daepake roti koragi ngkodauꞌano, kaꞌibahatino sabhaha mohakuꞌano bhe modaiꞌano. Tamaka mepake kaitaomu roti buꞌou pata koragiꞌano, kaꞌibahatino dadi mongkilo bhe banara.

1 Korintus 5:8 Referans Kwoze

Lukas 12:1

Wakutuu anaꞌa nehewundo mie dopohato-hatomo tadopogua-guamo. Yesus netandakimo nofofoinaꞌu, kabhao-bhaono nopugaumo ne anaguhuꞌino ambano, “Posiꞌondoomu bhe kodhagaomu ne ragindo miendo Farisi, maꞌanano kafehaaꞌulando.

Markus 8:15

Yesus nofodhagadamo ambano, “Posiꞌondoomu ne ragi kaefoꞌendeꞌa rotindo miendo Farisi bhe ragino kolaki Herodes.”

Matius 16:6

Nopugaumo Yesus, “Kodhagaomu bhe posiꞌondoomu ne ragindo miendo Farisi bhe Saduki.”

1 Petrus 4:2

Dadiꞌanomo katumpono dadimiu we dhunia ini pakeeꞌomu angkafiomu kapoindalono Lahataꞌala, koise angkafiomu kapoindalono manusia.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

1 Korintus 5:6

Miina namantasia mekawose bhakemiua. Miina mandeꞌaaneomua gahaꞌa sekandai-ndai ragi noꞌendeanemo kosekabhahiꞌae kadhalono tarigu so roti?

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Matius 16:12

Pada anaꞌa kaneꞌomo dolosangie patudhuno Yesus, gahaꞌa suano ragi kaefoꞌendeꞌa rotia, tamaka daposiꞌondo ne kafoinaꞌuno miendo Farisi bhe Saduki.

2 Korintus 8:8

Apugau peda aini suano kanggetu pahinta, tamaka afotiwohaangkoomu kaowu kakampuu-mpuundo bhahitie sigaoꞌano dofotulumi, neanomo amandeꞌaanemo dua kahelasino kanini kaasimiu.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

1 Korintus 5:1

Sakotuꞌuno nokolelemo bhihita putae ne olotamiu itu nandoomo habu tolauno kapokahaku. Ingka nandoo mie monsuleno bhe ina weeno. Mahinggamo mie pata mandeꞌaono Lahataꞌala miina daehabua podiu medando aitu.

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.