1 Korintus 4:8 - Muna Southern Dialect

⁸ Ingka fekihimiu moweꞌimoomu, mohangkaeamoomu, membaliomu kafeompuꞌa, ingka miina maraluu kainsamiomua. Kakesa maka ane kotu-kotuꞌu membaliomu kafeompuꞌa, neanomo naembali tamahinta tapoowa bhe hintimiu.

1 Korintus 4:8 Referans Kwoze

Powoha 5:10

Hintu padamo habuda mbali bansano liwundo omputo bhe imamu meompuno ne Lahataꞌalantoomu, maka damahinta nada omputo te dhunia.”

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

2 Korintus 13:9

Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

1 Korintus 5:6

Miina namantasia mekawose bhakemiua. Miina mandeꞌaaneomua gahaꞌa sekandai-ndai ragi noꞌendeanemo kosekabhahiꞌae kadhalono tarigu so roti?

1 Korintus 1:5

Weo kaseꞌisemiu bhe Kristus dadimiu nohangkaeamo tanofegiu: ibahatino nelangkemo kapandemiu bhe nembalimo fofoinaꞌuomu.

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

Lukas 6:25

Balaamoomu, hintimiu moweꞌino ampa aitu, hampano mada kaowu moꞌahoomu. Balaamoomu, hintimiu mutaano ampa aitu, hampano mada kaowu mopeaꞌomu bhe moꞌaeꞌomu.

Powoha 3:17

Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

2 Korintus 11:1

Gaoku mpuu sumabahaki kanauꞌomu ane feadho apugau ngkabhohe-bhohe; ingka kaomponano ini daanumo kosabahaomu ne idia.

1 Korintus 4:18

Ingka nandoomo seemie hodua melangkeno diu, weo fekihindo paemo amai we hintimiu itu.

Tula-tulando rasulu 26:29

Ambano Paulus, “Asumambahea ne Lahataꞌala, nasebantaha bhahaꞌi naompona, suano kaowu taꞌo hintu tamaka kosasawindo mie humatono metingkeno tula-tulaku ini, daembali miendo sarani nada idi ini. Tantumo miina natilentua hante katapuku inia.”

Matius 5:1

Nowoha mie bhahi maitu, Yesus nofonimo te kabhawo. Nengkoha kaowu domaiꞌiemo anaguhuꞌino.