1 Korintus 4:20 - Muna Southern Dialect

²⁰ Kapaꞌamo Kafopahintaꞌano Lahataꞌala miina kaowu natiwoha ne pugaundo manusia, tamaka notiwoha ne kuasano Lahataꞌala ⸤ weo dadindo manusia⸥ .

1 Korintus 4:20 Referans Kwoze

1 Korintus 2:4

Weo bhihita bhe kafoinaꞌu nefosampeku naꞌa, ingka miina aepake wambado mie mande timohelaꞌaono lalo, tamaka wambaku nopobhaiane tanda-tanda motiwohano kuasano Rohino Lahataꞌala.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

1 Korintus 1:24

Tamaka mbali mie toka nebhasino Lahataꞌala, naetaa mieno Yahudi naetaa suano Yahudi, Kristus katiwohaꞌanomo kuasa bhe kapandeno Lahataꞌala.

2 Korintus 10:8

Ingka paemo aambanoa, mahingga adho asumangke-sangke wutoku putae insaodi ini taeꞌawa kuasa ne Ompu, o kuasa so tamekamatangkaꞌao kaparasaemiu, suano kuasa so mohansurukoomu.