1 Korintus 3:13 - Muna Southern Dialect

¹³ Ampamo kaowu nasewakutuu kahadhaano seemie-seemie tetewei natipandeꞌao, ingka oleo kahatoꞌano Ompu so motiwohaea. Kapaꞌamo ne oleo anaꞌa o efi so motiwohae, hampano kahadhaano seemie-seemie natiꞌudhi katangkano ne efi maitu.

1 Korintus 3:13 Referans Kwoze

1 Petrus 1:7

Patudhuno kosasawiꞌae ini somo kaꞌudhino kaparasaeamiu, nokampuu-mpuu bhahaꞌi miina. Sanginomo bulawa o bara mobinasa doꞌudhiane efi, bhemo toha kaparasaeamiu ne Lahataꞌala, ingka nofoliuꞌe kakoharagaa bhe bulawa. Mada kaowu daꞌumudhie natipandeꞌaomo kamatangkano, maka kaparasaeamiu natipudhimo ne Lahataꞌala, meꞌawaomu kafosibhala bhe kakalabhia ne oleo kahatoꞌano Yesus Kristus.

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

1 Petrus 4:12

Bhahitieꞌiku timoasiꞌaono! Koemo menteomua ane menamisiomu kakadee-dee bhalano. Kakadee-dee aitu tapedamo hendeno efi nepakeno Lahataꞌala noꞌudhi kamatangkano kaparasaeamiu. Ampamo kaowu koe kofekihiomu kadhadhia netompaloimiu naꞌa nopontalabhi-labhimo.

2 Petrus 3:10

Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

Roma 2:16

Nadamo aini so kumadhadhiaꞌano nahumato oleono Lahataꞌala nabhotusi sabhaha tifebuniꞌano weo totono lalondo manusia, namangka ne Yesus Kristus. Aini noposahataamo bhe Bhihita Metaa nefosampeku itu.

2 Timotius 1:18

Sio-siomo Ompu namosampuane rahamatino ne oleono kahatoꞌano. Ingka pandeꞌaane mpuu kabhalano kaꞌondofaono ne idi wakutuuno we Efesus endefiꞌini.

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

Roma 2:5

Tamaka hampano katuꞌano fotumiu bhe mokiidoomu metompaꞌao dhosamiu, ingka metapi-tapimoomu kabhieno kahukumu so netahimamiu, nahumato oleono Lahataꞌala namekakoꞌula amahano bhe namondawu kabhotusino umadhilino.

Lukas 2:35

Nadamo anaꞌa natipandeꞌaomo totono lalondo sabhaha mie. Gahaꞌa totono lalomu naopea kao-kaomo dakumansuꞌuane kampue.”

2 Timotius 3:9

Kafoinaꞌundo teteweimo paemo nakodoꞌo nadhumulua, kapaꞌamo kabhohendo naentaleamo ne sabhaha mie, pedamo dua netompaloindo Yanes bhe Yambres endefiꞌini.

Matius 10:15

Amohatokoomu kotu-kotuꞌu, nahumato Oleono Kiama kahukumu neꞌawano witeno Sodom bhe Gomora nandoo naosape ane dapototoane bhe so neꞌawano liwu aitu.”

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

1 Korintus 3:12

Taneatemo ne mie mefoeheno lambu te wawono sandi amaitu, naepakeane bulawa tawa o salaka, o kontu moinda tawa o sau, o dana tawa o hoono ai.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 10:25

Koe dowoowulea dopohompu-hompuomu dosambahea, peda kaneando seemie hoduano mantawano itu. Intaodiomu tabeano dapotanga-tangahiomu, bhe nasedhuluꞌa kakampuu-mpuuno lalo hampano dowohaomu oleo so kahatoꞌano Ompu dhulu kamaꞌo.

2 Petrus 3:7

Tamaka hampanomo dua bhoasaono naꞌa lani bhe dhuniantoomu ampa aitu sadaa-daa nodambaꞌaane, neanomo mada kaowu namohansuruane efi; nohunsa-hunsae ampa nahumato tempono so katibhotusiꞌando bhe katifobinasaꞌando mie modai.