1 Korintus 15:58 - Muna Southern Dialect

⁵⁸ Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

1 Korintus 15:58 Referans Kwoze

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

Filipi 2:16

poowa fintahakiomu bhe fosampeomu bhihita meowano dadi. Ane dadimiu nada naꞌa, ne oleo kahatoꞌano Kristus, naowoseangkoomu bhakeku. Kapaꞌamo anaꞌa katandainomo miina nasumia-siaꞌa apogolo, miina dua nasumia-siaꞌa aowuleangkoomu, ⸤ kahadhaaku nokohasili⸥ .

1 Korintus 3:8

Metisano bhe metubhasino ingka tanopototomo kahadhaando, seemie-seemie naꞌumawa ponambono naposahataa bhe kawuleno nokahadhaa.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

1 Korintus 16:10

Ane Timotius namai te hintimiu, uleiꞌeomu lalomiu keana nokateꞌi-teꞌi naeate bhe hintimiu, hampano anoa itu nokahadhaa so Ompu peda dua idi ini.

1 Tesalonika 3:12

Sio-siomo dua Ompu namodhulu kabhalano kanini kaasimiu sapada-pada hintimiu bhe ne sabhaha mie ampa napontalabhi-labhi, pedamo dua kanini kaasi mani ne hintimiu.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

Kolose 2:5

Kapaꞌamo mahingga mbadhaku nokodoꞌo bhe hintimiu, totono laloku nopobhaiangkoomu. Nowula sepaliꞌa laloku awoha kaꞌosano kaseꞌisemiu bhe kamatangkano kaparasaeamiu ne Kristus.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

1 Tesalonika 3:3

Ane nada anaꞌa, paise bhe so tiundano kaparasaea weo kasabhamiu ini. Ingka pandeꞌaaneomu kasabha ini nopesuamo dua weo patudhuno Lahataꞌala nefotantuno so intaodiomu.

Filipi 1:9

Sambaheaku sio-siomo kanini kaasimiu sadhulu-dhulu kabhahi ampa napontalabhi-labhi, nasedhuluꞌa dua mandeꞌaoꞌomu kabanara bhe meꞌawaomu fekihi kotimbangi.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Filipi 4:17

Ampamo kaowu suano kawaꞌaomiu naꞌa neꞌondofikua, tamaka hasilino habu metaamiu, kanggetu so katubhahino ponambomiu mada kaowu.

Galatia 4:11

Nomihiangkoomu laloku, kunanomo kawuleku ⸤ aowaangkoomu Bhihita Metaa⸥ nasumia-sia.

1 Tesalonika 3:5

Dadiꞌanomo, mbaꞌinomo miinamo natitagalia kakambano lalo mani, tatudumo Timotius, amandeꞌao kaowu koeateno kaparasaemiu. Kapaꞌamo nomihiangkoomu laloku, bhahasaa nopoolikoomu kawudhuno Kafeompuꞌando seetani sampe nasumia-sia kawule mani.

Filipi 2:30

Kapaꞌamo mbaꞌinomo kahadhaano Kristus nomaꞌo namate; anoa nopotahoꞌao inawano nofokapo nekaemimiu weo kaꞌondofaomiu ne idi.

Markus 3:3

Yesus nopugaumo ne mie mokepeno lima maitu ambano, “Mai, meehe-ehe te wise ini!”

Lukas 19:19

Ambano kafeompuꞌa naꞌa, ‘Hintu amaꞌangko meowa nalima onu liwu.’