1 Korintus 15:52 - Muna Southern Dialect

⁵² Kadhadhiano nasetolindaꞌa, nasepihuꞌa mata, napoangka bhe ndiino duhulele bhalano kafetompaino dhamani. Kapaꞌamo duhulele bhalano nakondii maka mie mate damowanuda daepake mbadha tapa binasaꞌano maka intaodiomu dafobhalii.

1 Korintus 15:52 Referans Kwoze

Matius 24:31

Duhulele bhalano nakondii. Anano Manusia natumudumo malaꞌekatino dalumimba dahumompunao umati tipilino namaiꞌao ne kofatowalaꞌae alamu, maiꞌao we tompano lani sewetano ampa we sewetano.

Yohanes 5:25

Amohatokoomu dua, kotu-kotuꞌu nahumato tempono, aitu nohatomo, mie mateno dametingke suahano Lahataꞌala maka andoa metingkeno naꞌa dadumadi.

Yohanes 5:28

Koise menteomu ane metingkeomu peda ini, kapaꞌamo nahumato tempono kosasawindo mie weo kobuhu dametingke suahano.

2 Petrus 3:10

Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

1 Korintus 15:42

Pedamo aini kawanuꞌando mie mate. Peda wine neꞌewi, o mbadha nekobuhu ingka o mbadha binasano, tamaka mbadha nefodadi o mbadha so tapa binasano.

Powoha 8:13

Taꞌawohamo dua bhe afetingke seꞌulu bhoa nelola-lola te wuntano lani bhe nokotanga nohaaꞌi sepaliꞌa ambano, “Balaamoomu! Balaamoomu! Balaamo mpuu mie meateno we dhunia, ane natifetingkemo ndiino duhulelendo malaꞌekati totoluno tapaꞌo mebusono.”

1 Korintus 15:50

Bhahitieꞌiku, nepulaoꞌaoku peda aini: o dagi bhe hea pae bhe kapooli namesua weo Kafopahintaꞌano Lahataꞌala; o mbadha so binasano pae bhe kapoolia naeꞌawa dawu ne dadi so pata binasano.

Powoha 8:2

Taꞌawohamo dua malaꞌekati pipituno meehe-eheno te wiseno Lahataꞌala, dowaꞌanda duhulele bhalano fitu pele.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

1 Tesalonika 4:15

Nefoinaꞌuꞌao mani ini bhoasaono Ompu: ne oleo kahatoꞌano Ompu ⸤ Yesus⸥ , intaodiomu dumadino paise damaꞌinduluki mie toka humunsano wawo dhunia ini.