1 Korintus 15:51 - Muna Southern Dialect

⁵¹ Kotu-kotuꞌu amohatoangkoomu seꞌise rahasia: intaodiomu ini paise damisimate-mateꞌa, tamaka kosasawintoomu dafobhalii.

1 Korintus 15:51 Referans Kwoze

Filipi 3:21

Nahumato kaowu Kristus nabhalii mbadha kasarantoomu monaleno ini naembali nasekatu bhe mbadhano wutono kumalabhiano. Kanandooꞌano peda anaꞌa mbaꞌinomo Kristus nokokuasa namotuhu sabhaha ndumandoono ne wiseno.

1 Korintus 15:20

Tamaka kumotuꞌuꞌano peda ini, Kristus padamo dofowanue maiꞌao ne mate, mbalimo titiisando mie mate so sumuli dumadino.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

1 Korintus 4:1

Naetaa dakumona kainsami palima-limano Kristus, mie neposahunaꞌao taefebhihitaiꞌao sabhaha rahasiano Lahataꞌala.

1 Korintus 15:6

Kaowu sewakutuu nofotiwohamo dua Wutono ne bhahitieꞌi marasaeano dolima moꞌono labhi, ampa aini nandoo dobhahi dumadino tamaka sigaꞌa dofohunsamo.

1 Korintus 2:7

Wambano kapande nepulaoꞌao mani ini nomaiꞌao ne Lahataꞌala, rahasia aini notifebuni sampe miinaꞌo damandeꞌaane mieno dhunia. Tamaka mpini miinaꞌo bhe dhunia Lahataꞌala tokamo nofontaa-ntaaꞌe mbali intaodiomu, so daealaꞌao dawu ne kakalabhiano Lahataꞌala.

Efesus 5:32

Wamba aini nendalo maꞌanano tamaka ampa aitu nentaleamo, maka nepulaoꞌaoku ini o pokaiꞌano Kristus bhe umatino.

Efesus 3:3

Lahataꞌala nofekantaleaꞌi kanaꞌe rahasiano patudhuno, ingka padamo abuhiangkoeꞌomu, mahinggamo seendai kaowu.

1 Korintus 15:18

Aini nokomaꞌana dua mie marasaeano ne Kristus toka mateno, ingka dobinasamo.

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

2 Korintus 5:2

Nandoo deateomu weo kadempo ini, sadhia dofedee hampano nokambamo lalonto daetahima kaeateꞌa buꞌou maiꞌao te surugaa ⸤ maꞌanano mbadha nsurugaa⸥ , kao-kaomo daefokana pakea buꞌou.

2 Korintus 5:4

Nandoo deateomu weo kadempo ini, sadhia dofedee hampano kabhieno wowoꞌontoomu. Daanumo miina gaontoomu dahumunsaemo mbadha kasara ini, tamaka gaontoomu damakeemo mbadha nsurugaa, neanomo mbadha kasarantoomu ini natumoloemo dadi suhue dhamani.