1 Korintus 15:34 - Muna Southern Dialect

³⁴ Pandeꞌao toha lalomiu, fetumpuomu mehabuomu dhosa! Ingka nandoo ne olotamiu itu tapaꞌo mandeꞌaono Lahataꞌala. Kapugauꞌaku peda ini neanomo mepandeꞌaoꞌomu dua bhe kaambano.

1 Korintus 15:34 Referans Kwoze

1 Korintus 6:5

Kapugauꞌaku peda aini so moambanoꞌaoꞌomu. Bhahaa miina bhe mie kotimbangino ne olotamiu itu so mandeno mebhitahakino parakarando umati?

Roma 13:11

Aini tetewei dhumalangieꞌomu, hampano ingka pandeꞌaanemoomu koeateno dhamani aini. Ingka nohatomo tempono manuomu ne kaodomiu, kapaꞌamo ampa aitu oleo so katifosalamatiꞌantoomu sedhuluꞌamo dua kakomaꞌo bhe pakaparasaeantoomu.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

1 Korintus 8:7

Tamaka aini miina damandeꞌaane sabhaha mie. Nandoo mie moneano sumombaino barahala endefiꞌini. Dadiꞌanomo, taꞌampamo aitu ane dohumaa oti kapopanga ne barahala, dofekihi lalondo oti maitu kotu-kotuꞌu otino barahala. Ane dohumaa oti pedando maitu, sadhia donamisi wutondo dokodhosa hampano totono lalondo kumatanga-tangano nandoo nonale, ⸤ sadhia notalo⸥ .

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Yohanes 8:11

Ambano hobhine anaꞌa, “Ingka miina Waompu.” Nopugaumo toha Yesus, “Idi pae dua ahumukumukoa. Kalamo, tamaka notanda aitu koemo toha mehabu dhosa.”]

Yohanes 5:14

Pada amaitu Yesus nopoꞌawaanemo weo Lambuno Lahataꞌala maka nopugauane ambano, “Aitu moꞌosamo, tiehemo mehabu dhosa keana nokantibhako dhumuluꞌano kadaha.”

1 Tesalonika 4:5

Weo dadimiu, koe taangka-angkafimo nafusuuno mbadhamiu, peda nehabundo bansano liwu tapa mandeꞌaono Lahataꞌala.

Matius 22:29

Yesus notobhoosida ambano, “Ingka noꞌala fekihimiua, mbaꞌinomo miina mandeꞌaaneomua wambano Kitabi, miina dua mandeꞌaaneomu kuasano Lahataꞌala.

Tula-tulando rasulu 26:8

Noafa fisikopahaaneomu putae Lahataꞌala nefowanu mie mate?

1 Korintus 4:14

Abuhiangkoomu aini miina akopatudhu amekaambanokoomua, tamaka atangahikoomu peda anaꞌiku timoasiꞌaono.