1 Korintus 14:5 - Muna Southern Dialect

⁵ Gaoku mpuu hintimiu kosasawimiu mepakeomu wambano Rohi, tamaka fofoliuꞌano gaoku kosuahaomu peda anabii. Kapaꞌamo nokofahalaa mie kosuahano peda anabii bhe mie mepakeno wambano Rohi, simbali nomaꞌanakie dua wambano naꞌa, so notifekamatangkaꞌao kaparasaeando umati sigaoꞌano.

1 Korintus 14:5 Referans Kwoze

1 Korintus 12:10

Ne seemieno nowaꞌane kuasa naehabu tanda timenteꞌaono, bhe ne seemieno nowaꞌane kapooli nakosuaha peda seemie anabii. Ne sigaoꞌano nowaꞌane kapooli namande napoꞌalatiꞌao rohi modai bhe rohi metaa. Ne sigaoꞌano dua nowaꞌane kapooli napugauꞌao sabhaha wambano Rohi, maka seemieno nowaꞌane kapooli namaꞌanaki wambano Rohi naꞌa.

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

Markus 16:17

Mie marasaeano ne Idi naembali daehabu tanda tapa mentela: daefolimba seetani damake neaku; damande dua dapugauꞌao sabhaha wamba buꞌou.

1 Korintus 14:1

Ambaeꞌomu kanini kaasi, uleiꞌeomu dua lalomiu so tumahimaꞌaoꞌomu sabhaha kapooli nedawuꞌaono Rohino Lahataꞌala, mangke-mangkemo kapooli so kosuahaꞌaoꞌomu peda anabii.

1 Korintus 13:4

O kanini kaasi maitu nokosabaha, netaa lalono; o kanini kaasi maitu miina nakondua lalono. Kanini kaasi miina nasumangke-sangke wutono bhe miina naelangke diuno.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

1 Korintus 14:17

Mahinggamo sambahea katumpuno lalomu naꞌa netaa sepaliꞌa, tamaka miina namekamatangka kaparasaeano mie bhaimu.