1 Korintus 14:30 - Muna Southern Dialect

³⁰ Tamaka ane seemie ne olotamiu naꞌa nengkoha-ngkoha tambaꞌomo nokopowoha maiꞌao ne Lahataꞌala, maka mie tangasano pugauno nametumpu kadeki.

1 Korintus 14:30 Referans Kwoze

1 Korintus 14:26

Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.

1 Korintus 14:6

Dadiꞌanomo bhahitieꞌiku, ane ibahano amai ne hintimiu maka aepake wambano Rohi, o ae bhahaa fahalaano so hintimiu? Ingka kaneꞌo nakofahalaa ane amohatoangkoomu powoha netahimaku ne Lahataꞌala, tawa amosampeangkoomu nepandeꞌaoku, tawa akosuahaangkoomu nada anabii tawa amoinaꞌukoomu.

1 Korintus 14:29

Mie kosuahano peda anabii, naetaa dahodua tawa datotolu so pugauno, maka sigaoꞌano somo tumimbangino pugaundo, ⸤ bhahaꞌi natitahima bhahaꞌi paise⸥ .

1 Korintus 14:31

Kapaꞌamo kosasawimiu naembali kosuahaomu peda anabii posule-suleomu, neanomo kosasawimiu poguhuomu bhe namatangka kaparasaeamiua.