1 Korintus 14:24 - Muna Southern Dialect

²⁴ Tamaka ane kosasawindo dakosuaha peda anabii, gahaꞌa dahumato dua mie tapaꞌo marasaeano tawa mie buꞌou, ingka pugaumiu kosasawimiu itu natumiisangi totono lalono sampe naꞌuminsafuane sabhaha dhosano.

1 Korintus 14:24 Referans Kwoze

1 Korintus 2:15

Manusia tumahimano Rohino Lahataꞌala sadhia netiisangi bhahi-bhahiꞌae, tamaka wutono manusia naꞌa miina bhe kohakuno damoꞌalae.

Tula-tulando rasulu 2:37

Dofetingke peda naꞌa nosabhamo handado maka dofeenamo Petrus bhe rasulu sigaoꞌano ambado, “Bhahitieꞌi, kaowua taeafaꞌimo bhahaa insaodi ini?”

Yohanes 4:29

Ambano “Mai ondoomu, ne tatu nandoo seemie nofohato kanau sabhaha nehabuku. Bhahaa Anoamo maitu Mesias, Omputo Fosalamatino?”

Yohanes 16:8

Nahumato kaowu Rohi maitu, miendo dhunia namoꞌinsafuanda dhosando, o kabanara bhe kabhotusino Lahataꞌala.

1 Korintus 14:1

Ambaeꞌomu kanini kaasi, uleiꞌeomu dua lalomiu so tumahimaꞌaoꞌomu sabhaha kapooli nedawuꞌaono Rohino Lahataꞌala, mangke-mangkemo kapooli so kosuahaꞌaoꞌomu peda anabii.

1 Korintus 14:16

Kapaꞌamo ane sumambaheaꞌao kaowu nomaiꞌao ne alusumu, nada amai mie buꞌou mangkafino sambaheamu natumobhoosi “Amin” namada sambaheano katumpuno lalomu naꞌa? Ingka miina namandeꞌaanea o ae maꞌanano pugaumu naꞌa.