1 Korintus 14:2 - Muna Southern Dialect

² Laꞌae mepakeno wambano Rohi, miina napotula-tula bhe manusia tamaka nopugau bhe Lahataꞌala. Kapaꞌamo miina bhe manusia lumosangino maꞌanano wambano, hampano nokowambaꞌao rahasia peda nefohatoꞌaono Rohino Lahataꞌala.

1 Korintus 14:2 Referans Kwoze

Markus 16:17

Mie marasaeano ne Idi naembali daehabu tanda tapa mentela: daefolimba seetani damake neaku; damande dua dapugauꞌao sabhaha wamba buꞌou.

Tula-tulando rasulu 19:6

Tangasano Paulus notei limano te wawondo, Rohino Lahataꞌala nokabhintidamo sampe dopugau depake wambano Rohi bhe dokosuaha peda anabii.

Tula-tulando rasulu 10:46

Kapaꞌamo dofetingkeda dopugau depake wambano Rohi bhe dopudhi kakalabhiano Lahataꞌala. Maka ambano Petrus,

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

1 Korintus 2:10

Tamaka ne intaodiomu Lahataꞌala padamo nofohato kaitae noangka ne Rohino. Rohino Lahataꞌala ingka nolosangi bhahi-bhahiꞌae, mahingga patudhuno Lahataꞌala tifebuniꞌano sepaliꞌa.

Powoha 10:7

Tamaka sanatifetingke malaꞌekati kapipituno nabuso duhuleleno, maka nohatomo tempono Lahataꞌala namekakoꞌula patudhuno tifebuniꞌano, peda toka nefohatoꞌaono ana-anabii palima-limano.”

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

1 Timotius 3:9

Andoa tabeano damintahaki kabanarano kaparasaea ne Kristus toka nefekantaleaꞌino Lahataꞌala, maiꞌaono ne totono lalo mongkilo kumatanga-tangano.

Kolose 2:2

Bhahi-bhahiꞌae ini ahabue so naotangkaꞌao lalondo umati bhe daseꞌise weo kanini kaasi. Ane nada naꞌa andoa daeꞌawa kabarakati bhalano, maꞌanano kotu-kotuꞌu dalumosangie kabanara, paemo dapoibhahaanea. Damandeꞌaane dua rahasiano Lahataꞌala, ingka wutono Kristus.

Efesus 6:19

Sambaheaꞌomu dua so idi, neanomo ane amugau, Lahataꞌala namaꞌa kanau pugau kumantibha bhe aokado aefolele rahasiano Bhihita Metaa.

1 Korintus 15:51

Kotu-kotuꞌu amohatoangkoomu seꞌise rahasia: intaodiomu ini paise damisimate-mateꞌa, tamaka kosasawintoomu dafobhalii.

1 Korintus 2:7

Wambano kapande nepulaoꞌao mani ini nomaiꞌao ne Lahataꞌala, rahasia aini notifebuni sampe miinaꞌo damandeꞌaane mieno dhunia. Tamaka mpini miinaꞌo bhe dhunia Lahataꞌala tokamo nofontaa-ntaaꞌe mbali intaodiomu, so daealaꞌao dawu ne kakalabhiano Lahataꞌala.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

Tula-tulando rasulu 22:9

Mie poowaꞌaku dowohae dua tilanga naꞌa tamaka suaha miina dametingkeea.

Markus 4:11

Yesus notobhoosida ambano, “Hintimiu nowaꞌangkoomu dawua Lahataꞌala pandeꞌaanemoomu rahasiano Kafopahintaꞌano. Tamaka mie sigaoꞌano aepakeanda kapalenda,

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

1 Korintus 14:16

Kapaꞌamo ane sumambaheaꞌao kaowu nomaiꞌao ne alusumu, nada amai mie buꞌou mangkafino sambaheamu natumobhoosi “Amin” namada sambaheano katumpuno lalomu naꞌa? Ingka miina namandeꞌaanea o ae maꞌanano pugaumu naꞌa.

1 Korintus 12:10

Ne seemieno nowaꞌane kuasa naehabu tanda timenteꞌaono, bhe ne seemieno nowaꞌane kapooli nakosuaha peda seemie anabii. Ne sigaoꞌano nowaꞌane kapooli namande napoꞌalatiꞌao rohi modai bhe rohi metaa. Ne sigaoꞌano dua nowaꞌane kapooli napugauꞌao sabhaha wambano Rohi, maka seemieno nowaꞌane kapooli namaꞌanaki wambano Rohi naꞌa.

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

1 Korintus 14:26

Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.