1 Korintus 14:18 - Muna Southern Dialect

¹⁸ Notumpu laloku ne Lahataꞌala hampano idi aepake wambano Rohi afoliukoomu kosasawimiu itu.

1 Korintus 14:18 Referans Kwoze

1 Korintus 4:7

Kapaꞌamo laꞌae bhahaa kumonako nofoliu kakofahalaamu bhe mie bhaimu? Kona kanaꞌeomu o ae ndumandooꞌano ne hintimiu itu tapa netahimamiu maiꞌao ne Lahataꞌala! Ane kotu-kotuꞌu bhahi-bhahiꞌae tahimaeꞌomu ne Lahataꞌala, noafa bhahaa sangke-sangkeꞌao wutomiu, kao-kaomo bhahi-bhahiꞌae maitu miina tumahimaeꞌomu?

1 Korintus 14:2

Laꞌae mepakeno wambano Rohi, miina napotula-tula bhe manusia tamaka nopugau bhe Lahataꞌala. Kapaꞌamo miina bhe manusia lumosangino maꞌanano wambano, hampano nokowambaꞌao rahasia peda nefohatoꞌaono Rohino Lahataꞌala.

1 Korintus 14:4

Laꞌae mepakeno wambano Rohi, nofekamatangka kaowu kaparasaeano wutono, tamaka laꞌae kosuahano peda anabii nofekamatangka kaparasaeando umatino Lahataꞌala.

1 Korintus 14:5

Gaoku mpuu hintimiu kosasawimiu mepakeomu wambano Rohi, tamaka fofoliuꞌano gaoku kosuahaomu peda anabii. Kapaꞌamo nokofahalaa mie kosuahano peda anabii bhe mie mepakeno wambano Rohi, simbali nomaꞌanakie dua wambano naꞌa, so notifekamatangkaꞌao kaparasaeando umati sigaoꞌano.

1 Korintus 14:17

Mahinggamo sambahea katumpuno lalomu naꞌa netaa sepaliꞌa, tamaka miina namekamatangka kaparasaeano mie bhaimu.

1 Korintus 14:19

Tamaka weo pohompu-hompuꞌando umati naetaa apugau lima wobha kaowu tilosangino so amoinaꞌuꞌao mie bhaiku, bhe apugauꞌao hewu lasa wambano Rohi.