1 Korintus 14:1 - Muna Southern Dialect

¹ Ambaeꞌomu kanini kaasi, uleiꞌeomu dua lalomiu so tumahimaꞌaoꞌomu sabhaha kapooli nedawuꞌaono Rohino Lahataꞌala, mangke-mangkemo kapooli so kosuahaꞌaoꞌomu peda anabii.

1 Korintus 14:1 Referans Kwoze

1 Korintus 14:39

Dadiꞌanomo bhahitieꞌiku, uleiꞌe wutomiu so meꞌawaꞌao kapooli kosuaha peda anabii, bhe koemo eleꞌaandaomu mie mepakeno wambano Rohi.

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

1 Korintus 16:14

Habueꞌomu sabhaha kahadhaamiu weo kanini kaasi.

1 Korintus 12:1

Bhahitieꞌiku, aitu amugauꞌao kapooli nedawuꞌaono Rohino Lahataꞌala; gaoku mpuu mandeꞌaaneomu sakotu-kotuꞌuno.

1 Korintus 13:13

Dadiꞌanomo tamo tolu hondano ini ⸤ so nefintahakintoomu⸥ : o kaparasaea, o posahunaꞌao, bhe kanini kaasi; tamaka fofoliuꞌano o kanini kaasi.

1 Tesalonika 5:20

Koe pisakieꞌomu wambado kosuahano peda seemie anabii.

1 Timotius 6:11

Tamaka hintu manusia fehebuaꞌano Lahataꞌala, fekakodoꞌo wutomu ne kosasawiꞌae naꞌa. Ambae dadi banara, dadi lumebe, kampuu-mpuu weo kaparasaeamu, moasianda mie bhaimu, kosabaha potaami weo kasabha, fekamalu lalomu.

1 Korintus 14:37

Ane seemie noabhi wutono neꞌawamo kapooli nakosuaha peda anabii tawa neꞌawamo kapooli sigaoꞌano nedawuꞌaono Rohino Lahataꞌala, naetaa namahamue putae sabhaha nebuhiku ini sanea pahintano Ompu.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

Efesus 1:3

Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

1 Korintus 12:31

Dadiꞌanomo uleiꞌeomu totono lalomiu so meꞌawaꞌaoꞌomu sabhaha kapoolino Rohi foliuno kataa. Tamaka idi ini amosusuangkoomu kaangkaꞌa sedhuluꞌa dua kataano.

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.

2 Petrus 1:7

Kalebeno dadi napotubhahi bhe kanini ne bhahitieꞌinto; kanini ne bhahitieꞌinto napotubhahi bhe kanini kaasi ne kosasawindo mie bhainto.

Roma 12:6

Intaodiomu detahimamoomu kapooli seemie-seemie poꞌala-alano noposahataa bhe kadawu newaꞌaono Lahataꞌala. Dadiꞌanomo ane deꞌawa kapooli dakosuaha peda seemie anabii, tabeano dadhumalangie naposahataa bhe kaparasaeando.

2 Timotius 2:22

Dadiꞌanomo fekakodoꞌoe nafusuundo kahangku dadi, uleiꞌe lalomu angkafi kapoindalono Lahataꞌala, fekatangkae kaparasaeamu, dadi weo kanini kaasi bhe kapometaa bhe mie bhaimu. Dadimo peda anaꞌa bhe mie metondalano ne Ompu maiꞌao ne totono lalo mongkilono.

Roma 9:30

Ane peda anaꞌa, damugauꞌomu dua nada amai? Ingka nada aini: bansano liwu suano Yahudi miina daꞌumulei lalondo so datitahimaꞌao peda mie banara ne Lahataꞌala, gahaꞌaitu notahimadamo Lahataꞌala peda mie banara. Katitahimaꞌando ini nengkoha ne kaparasaeando.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

1 Korintus 14:22

Dadiꞌanomo kapooli dopugauꞌao wambano Rohi seꞌisemo tanda, suano so mie marasaeano tamaka so mie tapaꞌo marasaeano. Pedamo dua kapooli dokosuaha peda anabii seꞌisemo dua tanda, suano so mie tapa marasaeano tamaka so mie marasaeano.