1 Korintus 13:4 - Muna Southern Dialect

⁴ O kanini kaasi maitu nokosabaha, netaa lalono; o kanini kaasi maitu miina nakondua lalono. Kanini kaasi miina nasumangke-sangke wutono bhe miina naelangke diuno.

1 Korintus 13:4 Referans Kwoze

1 Petrus 4:8

Tamaka fofoliuꞌano, pomoa-moasiꞌao sampuu-mpuuno lalomiu, kapaꞌamo ane dopomoa-moasiꞌao dohelasimo dua dopomaꞌa-maꞌafuꞌao, mahingga nobhahi kaꞌalando.

Efesus 4:32

Tamaka tabeano naetaa lalomiu seemieno bhe seemieno, pomobhe-mobhelaꞌao lalo, pomaꞌa-maꞌafuꞌaoꞌomu peda wutono Lahataꞌala noꞌamponikoomu noangka ne Kristus.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

1 Yohanes 4:11

Bhahitieꞌiku timoasiꞌaono! Ane wutono Lahataꞌala noasiꞌa kaitamo peda maitu, ingka tabeano intaodiomu tetewei dua dapomoa-moasiꞌao.

1 Petrus 3:8

Panda-pandano, soba dadi sekakolaloomu, poanta-antangiꞌao namisimiu, pomoa-moasiꞌaoꞌomu peda mie sebhahi-bhahitieno, pomobhe-mobhelaꞌaoꞌomu lalo bhe fekapanda diumiu.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

2 Petrus 1:7

Kalebeno dadi napotubhahi bhe kanini ne bhahitieꞌinto; kanini ne bhahitieꞌinto napotubhahi bhe kanini kaasi ne kosasawindo mie bhainto.

Efesus 4:2

Naetaa sadhia mekapanda wutomiu, naomalu lalomiu bhe kosabahaomu. Fotiwohaeꞌomu kanini kaasimiu weo potulu-tulumiꞌa.

2 Korintus 6:6

nongkilo totono lalo mani, takotimbangi, takosabaha, netaa lalo mani, bhe katulumino Rohino Lahataꞌala, bhe kanini kaasi kumampuu-mpuuno;

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

Galatia 5:26

Koise nelangke diuntoomu, koise dopofekaleaꞌi lalo, koise dua dopokondu-konduaꞌao lalo.

1 Korintus 4:6

Bhahitieꞌiku! Newambaku ini aesandaha ne Apolos bhe wutoku so kaetaaꞌamiu, neanomo naembali metuadaomu bhe poguhuomu maꞌanano wamba aini, “Koe liuꞌea tubho toka tibuhiꞌano!” Ane nada anaꞌa, ne olotamiu itu pae bhe mie nesangke-sangkemiu nalumiuꞌe mie bhaino.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

2 Timotius 3:10

Tamaka hintu, ingka tokamo angkafi kafoinaꞌuku bhe ehe mengkohaku. Ingka wohaemo dua patudhuno dadiku, kaparasaeaku bhe sabahaku, kanini kaasiku bhe kakampuu-mpuuno laloku apotaami.

1 Petrus 2:1

Dadiꞌanomo, ohoeꞌoomu toha sabhaha modaiꞌano, koemo kopahaomu, koemo fehaaꞌulaomu, koemo nokondua lalomiu bhe koemo dua foꞌumbuomua.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

1 Korintus 3:3

kapaꞌamo nandoo nokuasaikoomu kapoindalono dhunia. Ane ne olotamiu nandoo pokondu-konduaꞌao lalo bhe potaga-tagaliꞌa, ingka nokomaꞌana nandoo nokuasaikoomu kapoindalono dhunia, ingka tanopototomo bhe mie bhaimiu ne dhunia ini.

Tula-tulando rasulu 7:9

Awuaꞌintoomu naꞌa doaso aindo koneaꞌano Yusuf mbali bhatua we witeno Mesir mbaꞌinomo kakoulano lalondo, tamaka Lahataꞌala sadhia nopobhaiane.

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

1 Timotius 6:4

mie medando aitu nelangke diuno, gahaꞌaitumo miina nakonipandeꞌaoa. Ingka o sakinomo dua gaono mpuu sapotagali bhe mie bhaino, noꞌondofie mpuu pokelutiꞌano wamba, sampe nonandoo kakonduano lalo, powengke-wengkeꞌa, poꞌumbu-umbu, dukuno lalo tapa metaa,

1 Korintus 8:1

Aitu akowambaꞌao oti kapopanga ne barahala. Nandoo mugauno, “Intaodi ini dokokapandemo.” Ampamo kaowu o kapande nofofekalangke diu, tamaka o kanini kaasi nofofekamatangka lalo.

Roma 1:29

Totono lalondo noponoꞌaomo sabhaha modaiꞌano, podiu pata metaaꞌano, o kakadau-dau, pokondu-konduaꞌao lalo, nafusuu dafopongko, pogiha-gihaꞌa, kabhohe-bhoheꞌi bhe feꞌili dadumai-dai mie bhaindo.

Yakobus 4:5

Koise fekihiomu miina nakotingkua wambano Kitabi aini, “O rohi neteino Lahataꞌala weo totono lalontoomu gaono mpuu so fehebuaꞌano.”

1 Korintus 4:18

Ingka nandoomo seemie hodua melangkeno diu, weo fekihindo paemo amai we hintimiu itu.

Roma 13:13

Dadi kaitaomu mantasiꞌano peda mie meateno we mentaleaꞌano. Koe sakahame dohumaa dofohoꞌu bhe dololanu, koe dopokawite-wite bhe konafusuu modai, koe dopowengke-wengke bhe dopokondu-konduaꞌao lalo.

Kolose 2:18

Koe sampe damekahugikoomu mie wohaꞌano kaowu dofekapanda wutondo bhe desombai malaꞌekati. Mie andoa ini dofekalangke diundo, mahinggamo miina bhe tingkuno, dofekihi kanandoono dhunia bhe dosangke-sangke wutondo hampano dokopowoha.

Filipi 1:15

Daanumo nandoo mie mefoleleno bhihitano Kristus dhohono kakonduano lalo ne idi bhe sadhia dopoindalo dopotagali, tamaka sigaoꞌano defolele bhihitano Kristus maiꞌao ne totono lalo mohelasi.

2 Korintus 12:20

Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

1 Korintus 5:2

Tamaka mahingga pedamo itu nandoo dua nelangke diumiu. So mantasiꞌano ingka tabeano naopea lalomiu, bhe mie humabuno medando itu mogampieꞌomu maiꞌao ne olotamiu.

Matius 27:18

Pilatus nopandeꞌaane putae kamungkulaꞌindo Yahudi doowa Yesus ne wiseno, mbaꞌinomo kakonduano lalondo.