1 Korintus 13:3 - Muna Southern Dialect

³ Mahinggamo sabhaha kanandooku adumawu-dawuandae mie mokae, bhahamoa amotawakala wutoku datumunu kanau, tamaka ane pae bhe kanini kaasiku, ingka miina sepaliꞌa bhe fahalaanoa so idia.

1 Korintus 13:3 Referans Kwoze

Yohanes 15:13

Miina nandumandoo kanini kaasi moliuno kanini kaasino seemie potahoꞌaono inawano so sabhangkaꞌino.

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

Galatia 5:26

Koise nelangke diuntoomu, koise dopofekaleaꞌi lalo, koise dua dopokondu-konduaꞌao lalo.

Lukas 18:28

Nopugaumo Petrus ambano, “Ingka insaodi ini tahunsaemo sabhaha fehebuaꞌa mani maka taangkafiko.”

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

Yohanes 12:43

Andoa doasiane kafosibhala ne manusia bhe ne Lahataꞌalaa.

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Yohanes 13:37

Ambano Simon Petrus, “Waompu, noafa so tapa kaembaliꞌano amangkafiko aitu? Idi aꞌunda amateangko.”

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Lukas 19:8

Palusi anaꞌa Zakeus noehemo maka nopugau ne Ompu ambano, “Ompu, naselabunta kanandooku ini adumawuandae mie mokae. Pakade ane nandoo mie nebhohe-bhoheꞌiku, kahugindo abhoosie nafato lentuꞌa.”

Filipi 2:3

Koise konihabuomu mbaꞌinomo fekihi kaowu faraluuno wutomiu, tawa fekalangke diumiu. Tamaka fekapanda wutomiu, abhidaomu mie bhaimiu detaa dua andoa bhe wutomiua.