11 Nandoo kaanaꞌiku ingka pugauku peda seemie anaꞌi, ponamisiku peda anaꞌi, fekihiku peda dua anaꞌi. Ampa aitu akolalomo, ahunsaemo lalo kaanaꞌikua.
Bhahitieꞌiku, koise kofekihiomu peda anaꞌi. Ne modaiꞌano membaliomu peda kaana-anaꞌi, tamaka weo fekihimiu membaliomu mie ngkolalo.
Patudhuku peda aini: ane ibahano nandoo seemie kafeompuꞌa bhe anano kohakuꞌaono kahunsaꞌaono nandoo noanaꞌi, kaomponano kaanaꞌino maitu miina napoꞌala bhe bhatua. Gahaꞌaitumo sakotuꞌuno anoamo so kafeompuꞌa bhahi-bhahiꞌae.
Dofetingke peda naꞌa dopugaumo sapada-pada andoa, “Kapugauꞌano peda anaꞌa mbaꞌinomo miina daewowoꞌoomu roti.”
Tamaka nahumato kaowu fofoliuno kasumangka, pata sumangkaꞌano naosalimo.
Ampa aitu tapedamo deꞌondo-ondoomu ondula pata mentalea weo paeasa mohawu, tamaka namada kaowu dapowise. Ampa aitu kapandeku miinaꞌo nasumangkaa, tamaka namada kaowu kapandeku naoponomo, pedamo wutono Lahataꞌala nosangka mpuu nopandeꞌa kanau.