1 Korintus 12:6 - Muna Southern Dialect

⁶ Nekahadhaano Lahataꞌala tanofegiu, tamaka kumahadhaano bhahi-bhahiꞌae naꞌa mangkano ne sabhaha manusia, ingka Lahataꞌala Kaseemie-mieꞌano.

1 Korintus 12:6 Referans Kwoze

1 Korintus 12:11

Tamaka bhahi-bhahiꞌae kamaiꞌaoꞌano seꞌise kaowu, senaꞌa-naꞌa kahadhaano Rohino Lahataꞌala. Ne seemie-seemie manusia nowaꞌanda kapooli noposahataa bhe kapoindalono Wutono.

1 Korintus 3:7

Dadiꞌanomo naetaa metisano naetaa metubhasino sakotuꞌuno miina bhe ulu-uluꞌanoa, mpahinomo wutono Lahataꞌala mefotumbuno kantisa.

Yohanes 5:17

Tamaka Yesus tanopugau ambano, “Amaku nokahadhaa kansuhu taꞌampamo aitu, dadiꞌanomo Idi akahadhaa dua.”

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Efesus 4:6

Lahataꞌala Kaseemie-mieꞌano, Amandomo kosasawindo manusia. Anoamo kumabubungino alamu bhalano, nokahadhaa ne kosasawintoomu bhe neate ne kosasawintoomu.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

1 Korintus 15:28

Mada kaowu namolongkoda bhahi-bhahiꞌae ne wiseno Kristus, maka wutono Anano Lahataꞌala nalumongko ne Lahataꞌala molongkono bhahi-bhahiꞌae ne Anoa. Nadamo anaꞌa Lahataꞌala naembalimo Fofoliuno Kuasa kumabubungino sabhaha ndumandoono ne amai maka dua.

1 Korintus 12:5

Taka kaꞌondofao so Ompu tanofegiu, tamaka seemie kaowu Ompu.