1 Korintus 12:18 - Muna Southern Dialect

¹⁸ Tamaka Lahataꞌala padamo noꞌatoroe kaeateꞌando, sehonda-sehonda katoka bhe takano weo mbadha peda kapoindalono Wutono.

1 Korintus 12:18 Referans Kwoze

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

1 Korintus 12:11

Tamaka bhahi-bhahiꞌae kamaiꞌaoꞌano seꞌise kaowu, senaꞌa-naꞌa kahadhaano Rohino Lahataꞌala. Ne seemie-seemie manusia nowaꞌanda kapooli noposahataa bhe kapoindalono Wutono.

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

1 Korintus 12:24

Kaꞌondofao pedando naꞌa miina damaraluuꞌe katokano mbadha metaaꞌano bhangu. Lahataꞌala padamo nopotudu-tudumiane mbadhantoomu ini sampe sabhaha katoka tapa nefosibhala sedhuluꞌa dofosibhalae.

Lukas 10:21

Wakutuumo dua aitu Yesus nowula lalono hampano nokabhintie Rohino Lahataꞌala, maka ambano, “Notumpu laloku ne Hintu, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie ndidiki tapa kokasikolano. Daanumo Ama, pedamo aitu kaposahasiꞌanomo lalomu.

1 Korintus 15:38

Tamaka Lahataꞌala nowaꞌane bhe puꞌuno, peda kapoindalono Wutono; sehonda-sehonda wine nowaꞌane bhe puꞌuno wutono.

Powoha 4:11

“Ompu bhe Lahataꞌala mani, Hintu nopantasi tumahima sabhaha kapudhi, kafosibhala bhe kuasa, kapaꞌamo Hintumo mokonandoono sabhaha ndumandooꞌano; kosasawiꞌae maitu donandoo bhe dofokonandooda hampano kapoindalomu.”

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

Roma 12:6

Intaodiomu detahimamoomu kapooli seemie-seemie poꞌala-alano noposahataa bhe kadawu newaꞌaono Lahataꞌala. Dadiꞌanomo ane deꞌawa kapooli dakosuaha peda seemie anabii, tabeano dadhumalangie naposahataa bhe kaparasaeando.

1 Korintus 12:17

Ane kosembadhaꞌae saneamo mata, ne amai bhahaa so kafofetingkeꞌa? Ane saneamo tingala ne amai bhahaa so kaefewonoꞌa?

1 Korintus 12:19

Ane kosasawiꞌae katoka nasehonda kaowu, ne amai bhahaa o mbadha?