1 Korintus 10:23 - Muna Southern Dialect

²³ Nandoo mugauno, manusia nobebasi nehabu o ae maka dua. Anoamo, tamaka ambaku miina kosasawiꞌae nehabundo manusia nokofahalaa. O manusia nobebasi nehabu o ae maka dua, tamaka miina kosasawiꞌae nehabundo manusia maitu naefekamatangka totono lalo.

1 Korintus 10:23 Referans Kwoze

1 Korintus 6:12

Nandoo mugauno seemie manusia nobebasi nehabu o ae maka dua. Anoamo, tamaka ambaku miina kosasawiꞌae nehabundo manusia nokofahalaa. Mahinggamo abebasi aehabu o ae maka dua, tamaka akiido namobhatua kanau habuku naꞌa.

1 Korintus 8:9

Tamaka dhaganie mpuu bhahasaa kabebasimiu itu nembali kakodhosaꞌando so mie bhaimu tapaꞌo motangkano kaparasaea.

Efesus 4:29

Weo pugaumiu, koe mepakeomu wamba tampahasa, tamaka mepakeomu kaowu wamba mokesa, wamba fotaa-taano pokantibhaꞌano bhe kafaraluundo mie bhaimu. Wamba medano naꞌa naeowa kabarakati so mie metingkee.

1 Tesalonika 5:11

Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.

Roma 14:15

Tamaka ane fekalea lalono bhahitiemu mbaꞌinomo nehumaamu, ingka habumu itu nopotagali bhe kanini kaasi. Koe dai-dai mie bhaimu dhohono oti nehumaamu, ingka Kristus padamo nomate dua so mie aitu.

1 Korintus 14:17

Mahinggamo sambahea katumpuno lalomu naꞌa netaa sepaliꞌa, tamaka miina namekamatangka kaparasaeano mie bhaimu.

1 Korintus 14:26

Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

1 Korintus 14:12

Pedamo dua hintimiu, daanumo uleiꞌeomu lalomiu meꞌawaomu kapooli nedawuꞌaono Rohino Lahataꞌala, tamaka fofoliuꞌano uleiꞌeomu lalomiu so mekamatangkaꞌaoꞌomu kaparasaeando umati.

1 Korintus 8:1

Aitu akowambaꞌao oti kapopanga ne barahala. Nandoo mugauno, “Intaodi ini dokokapandemo.” Ampamo kaowu o kapande nofofekalangke diu, tamaka o kanini kaasi nofofekamatangka lalo.

2 Korintus 12:19

Fenaiku nomponamo nokoduku we lalomiu insaodi tapobenteꞌao wuto mani ne wisemiu. ⸤ Ingka miina.⸥ Sabhaha pugau mani ini takowambaane ne wiseno Lahataꞌala nopoangkafi bhe kapoindalono Kristus. Bhahitieꞌiku timoasiꞌaono, bhahi-bhahiꞌae ini tahabue so kamatangkaꞌano kaparasaeamiu.